Accessibility links

шимбә, 10 декабрь 2016, Казан вакыты 00:17

Räşid Dostum köçläre Faryab provinsiäse başqalasınnan çığa başladı


Äfğanstannıñ tönyaqkönbatışındağı Faryab provinsiäsendä xökümät häm töbäk citäkçeläre arasında söyläşülär bara. Provinsiä başqalası Maymana'da cirle yulbaşçılar belän oçraşqan xökümät wäkilläre etnik üzbäk Abdul Räşid Dostum köçläreneñ şähärdän çığıp kitüen taläp itä. İñ soñğı xäbärlärgä qarağanda Dustum köçläre şähärdän kitä başlağan. Söyläşülärdä şulay uq Berläşkän Millätlär wäkilläre dä qatnaşa. Faryab gubernatorı wazifasın başqaruçı Sayed Ahmad Saeed belän Dostum köçläre wäkile Rais Rahmatulla arasında barğan bu söyläşülär waqıtında, Saeed Azatlıq radiosına, barısı da "kontroldä" dip belderde: "Bügen söyläşülärdä provinsiäne tözekländerü keşeläre, Berläşkän Millätlärneñ Äfğanstandağı wäkilläre, polisiä häm milli ğaskärlär wäkilläre qatnaştı. Süz töbäktä iminlek buldıru turında bardı. Wazğiät normalläşä, barısı da kontroldä, borçılırlıq äyber yuq, " dide Faryab provinsiäseneñ xäzerge citäkçese. Äfğanstannıñ eçke eşlär ministrı Ali akhmad Jamali, töbäkkä 750gä yaqın xärbi kiterelde, dip belderde. Etnik üzbäk xärbi köçläreneñ şähärgä yaqınlaşuın işetkäç Faryab provinsiäse gubernatorı Enayatolla Enayat qaçqan, dip xäbär itelä.

XS
SM
MD
LG