Rusiä, Yevropa Berlege BMOnıñ Çeçenyada keşe xoquqlarınıñ bozıluına täñqit belderüen sorap terrorçılıqnıñ üsüenä yul quya, dip belderde. Kiçä Yevropa Berlege BMOnıñ keşe xoquqları komitetına Çeçnyada keşe xoquqlarınıñ bozıluına täñqit beldergän resolüsiä ölgesen täqdim itte.
Rusiä tışqı eşlär ministrı urınbasarı Yuri Fedotov, älege dokument terrorçılarnı xuplawnı añlata häm xalıqara terror belän köräşkä qarşı kilä, dip belderde. Rusiä Däwlät Dumasını- xalıqara eşlär komitetı räise Konstantin Kosaçev süzlärenä qarağanda, şuşı rezolüsiä ölgese – Mäskäwgä säyäsi basım yasaw tırışlığı bulıp tora.
