Accessibility links

Кайнар хәбәр

Udmurtiädä xatın-qızlar arasında eşsezlek


Xatın qızlarğa ayrılğan bu öleştä bez Rusiädä ayrım alğanda tatarlar yäşägän töbäklärdä xatın qızlar arasında eşsezlek problemasın öyränärgä qarar birdek. Urınnardağı xabärçelärebez , eş belän tämin itü üzäklärendäge räsmilär belän söyläşep, eşsez qalğan tatar xatın-qızları belän ängämäläşep bu turıdağı mäğlümätne sez xörmätle tıñlawçılarğa işetteräçäk . Bügen Udmurtiädäge xällär. Eşsezlek , olıraq yäştäge xezmät qullarına qarata diskriminatsiä ni qızğanıç ki bügen Rusiädä genä tügel ä dönyanıñ başqa urınnarında da problemağa äylänep bara. Qayber bilgele hönär –profesiälär, misal öçen säyäsätçe, akademiklar yäki tikşerenü ölkäsendä eşläwçelärneñ zur öleşeneñ olıraq yäştä genä uñışlarğa ireşüe ber kemgä dä ser tügel. Ämma kibettä satuçı , fabrika zavod eşçese ofis xezmätkärläreneñ urta yäştä yañadan eş tabuları älege waqıtta zur problemağa bulıp tora. Eş birüçe , xucalar bügen yäş ,matur sälämät, ber qayçan da çirlämägän , ällä niçä tel belüçe , öydäge , tirä yaqtağı problemalar täsirenä birelmägän 30 yäşendä ämma 50yäşlek keşe täscribäsenä iä xezmätkärne genä eşkä alır ide. Küp kenä illärneñ qanun zakonnarında tängällek, tigezlek turında maddälär bar,ämma in alğa kitkän ber niçä ilne küzdä totmağanda xatın qız belän ir at şuluq eş öçen şuluq aqçanı da almıy. Eşsezlär arasında xatın qızlar haman da zur öleşne täşkil itä . Bez Rusiä töbäklärendä xatın qızlar arasında eşsezlek problemasın öyränergä qarar birdek. Udmurtiä başqalası İjawdağı xabärçebez Xämidä Gaifullina tatar konsertları, teatrları turında ğına söylämi , äle bu aralarda ğına ul Qambarka rayonındağı xällär turında söyläde. Eşsezlek şul xäl xälgä citkän ki anda xalıq ekologiä, keşe sälämätlegenä qurqınıç tuı ixtimalä bulsa da bügen ximik qorallarnı yuq itü zavodınıñ özelüenä eş urını bulır digän ömed belän riza ikän. Bügen İjavda ğına terkälgän 2meñ eşsezneñ 70%ın xatın- qızlar täşkil itä. Häm alarnıñ sanı sonğı 3 yılda üzgärmägän. Xämidä İjavda xalıqnı eş belän tämin itü bülegendä statistika häm analiz bülege mödiräse Vera Dergunovağa nindi xatın qıznıñ eş urının yuğaltuı , säbäpläre , yaña eş urını tabu öçen üzäkneñ närsä eşläwe turındağı soraw belän möräçäğät itte. Vera Dergunova häm başqa keşelärneñ fikerlären Azatlıqnıñ düşämbe tapşıruında tıñlağız.

Färidä Xämit – Xamidä Ğayfullina, Praga-İjaw
XS
SM
MD
LG