Accessibility links

якшәмбе, 4 декабрь 2016, Казан вакыты 19:22

Amerika generalı: Fallucada tınıçlıq xökem sörä, Nacafta kileşügä ireşelmäde


Fallucada AQŞ xärbiläre belän sönni suğışçıları arasında atışlarnı tuqtatu kileşüe tulısınça bulmasa da ütälä. Bäreleşlärneñ kimüennän faydalanıp , bik küp keşe şähärdän çığıp kitkän.Bilgele bulğança , 4 amerikan watandaşınıñ üterelep, mäyetläreneñ parçalanuına cawap itep AQŞ ütkän düşämbedä Fallucada höcüm başlattı. Urlanğan Qıtay häm Yaponiä watandaşların irekkä çığaru öçen eşçänlek alıp barıla.

Ütkän comğada AQŞ Fallucada barğan xärbi operatsiäne tuqtatıp, Ğıraq İdarä Şurası äğzaları häm Falluca ruxaniläre belän koalitsiägä qarşı köçlärneñ qorallı bäreleşlärne tuqtatuları öçen söyläşü mömkinçelege birde. Şähärdä irtängä qarşı atışular turında xabärlär bulsa da wazğiät ğomumän çağıştırmaça tınıç. İrtängä qarşı ğıysyançılarnıñ ut açuına cawap itep,AQŞnıñ kobra boralağı raketalar atqan.2 amerikan marinı yaralanğan, şaqtıy ğına sanda ğıraqlı ğıysyançılar üterelögän . Bu turıda xärbi süzçe belderde. Ğıraq islam partiäse wäkile belän ğıysyançılar arasındağı söyläşülärdän soñ atışlarnı tuqtatu kiçkä qädär ozaytılğan. Şähärdä köndez tınıçlıq xökem sörde. AQŞ generale Mark Kimmit ,marinnar sönnilär kontrolendäge şähärne alu säläteä iä bulsa da, bez anda säyäsi xal çarası telibez dip äytte. Kimmit süzlärençä(audio) marinnar Fallucadağı doşman köçlären tulısınça yuq itergä äzer. Alar kirägennän artıq köçkä , kirägennän artıq qoralğa iä. Şulay da älege waqıtta bez säyäsi xäl çarası tabarğa näticäle söyläşülär aşa Ğıraqnıñ legitim kontrolen urnaştırırğa tırışabız. General Kimmitt söyläşülärneñ başlanğıç fazada ğına buluın äytkän. Ğıraqta xästäxänä çığanaqları ütkän atnada Fallucadağı bäreleşlärdä 600dän artıq ğıraqlı häläk buldı dip beldersä dä, amerikan çığanaqları bu san belän kileşep betmi, ülüçülärneñ zur öleşe ğıysyançılar dip äytä. Associated Press xabärçese iki futbol qırı zurlığındağı urında qazılğan yaña qäbärlärneñ kübesendä xatın qızlar häm balalar kümelgän buluın kürsätä dip belderde.AQŞ aprel başlanğannan birle Ğıraqta 70 ğäskärien yuğalttı, şuluq waqıt eçendä 700 ğıraqlı üterlde. . Fallucada barğan qatı bäreleşlärdä AQŞ ayausız köç qullanuda tänqitlände. Ğıraqtağı sivil AQŞ administratorı Paul Bremer kiçä Fallucada amerikan watandaşların üterüçelär bezgä tapşırlırğa tieş dip äytte(audio) bez sivil xezmätkärlärne üterüçelärne telibez.Alarnıñ mäyetlären mısqıllağan keşelärne telibez.Bezneñ keşelärne üterüçelärne telibez. bez başta atışlarnı tuqtatunıñ nığuın telibez. Annan bez Ğıraq idarä şurasınıñ qıyu äğzaları alıp barğan söyläşülärgä qaytırbız dip söyläde., Radikal şığı citäkçese Moqtada al_Sadr taraftarları belän Nacaftağı xällär turında da mäğlümät törle.Nacaf häm Kärbälä al Sardrnıñ mehdi armiäse kontrolendä tora. Nacafnıñ politsiä başlığı al Yaseri AQŞ citäklägän koalitsiä köçläreneñ şähärgä kermäw şartı belän izgä şähär ğıraq politsiäse qaramağına küçerelde dip söyläsä dä AQŞ generale Kimmit bu xabärne raslıy almadı . Bremer kiçä al Sadr Ğıraq mäxkämäse aldına çığarılsa , anıñ suğışçlarınıñ qarşılıq kürsätüe tuqtalaçaq dip äytkän ide. Mucahedin brigadsı isemle törkem tarafınnan urlanğan yaponiäneñ ike humanitar xezmätkäre belän jurnalistnıñ yazmışı äle dä bilgele tügel. Törkem Yaponiä Ğıraqtağı 550 ğäskärien tizlektä çığarmasa , totıqlarnı üterü belän kisätte .Yapon diplomatları söyläşülärdä progress yuq dip belderä. Kiçä Yordaniädän Ğıraqqa kergän 7 qıtay watandaşı da urlandı. Bu insident Vitse prezident Cheneyneñ irtägä başlanaçaq Qıtay säfärennän elek buldı

färidä xämit, praga
XS
SM
MD
LG