Accessibility links

дүшәмбе, 5 декабрь 2016, Казан вакыты 15:30

Qazan keräşennäre dä Pasxa bäyrämen ütkärä


Bu bäyrämdä, urıs telendä söyläşüçe xristiannar, «Xristos voskrese» diğändä, keräşennär «Xristos ülep, terelep torğan» dip, ber bersenä däşä. Bu süzgä, alar «çınnan da, ülep, terelep torğan..» dip cawap birälär. Biredä söyläşü gel tatarça, imannar yäğni doğalar üzebez teldä uqıla, kitaplar, şämnär satu da tatarça bara. Bäyräm belän qotlaw tatarça niçek bula, dip çirkäwdäge apalardan sorağaç, «tatarça tügel, keräşençä» dip tözätälär. Äñgämädäşlärbez, Teläçe rayonında tuıp üskän apalar, uqularnıñ tärtiben häm alarnıñ mäğnäsen añlatıp birdelär.

Şulay itep, Anastasiä İvanovna häm Anna Vasilyevna süzlärençä, berençe itep, «Piğämbärlär eşläre» digän kitap, «Yaña Zavet»tan özeklär uqıla. Annan soñ, qanunnar cırlana. 12dän soñ, Pavel ata häm başqa din totuçılar xaclar kütärep, uramğa çığalar. Äkren genä çirkäwne äylänep çığalar. Çirkäw äylänü - ülemsezlek bilgese ikän. Şul waqıtnı keräşennär maxsus doğa uqıy. Anıñ süzläre mondıy: «Xristos ülemennän terelep torğan, ülgänlege belän ülemneñ qüäten betergän, başqa keşelärgä dä ülemsezlekkä yul açqan».

Annan soñ, yañadan doğalar uqıla häm bäyräm başlanıp kitä. Rizıqlarğa maxsus süzlär äytep, izge su çäçrätep, urazadan soñ awız açıla. Bäyrämçä östäl qorıla.

11 april tönendä, Pasxağa bağışlanğan uqular şuşı tärtiptä barğan. Keşe sanı, başqa urıs ğibädät yortları belän çağıştırğanda azraq bulsa da, Tixvin çirkäwe barıber tulı bulğan. «Krestnıy xod, yäğni xac belän çirkäwne äylänep çığu, Pasxadan soñ, tağın ber atna däwam itäçäk äle.

Bikä Timerova.

XS
SM
MD
LG