Accessibility links

сишәмбе, 6 декабрь 2016, Казан вакыты 05:54

Kemerovo qazası öçen xäkimiät gäyeple


Rusiäneñ keşe xoquqları buyınça wäkälätle wäkile Vladimir Lukin, Kemerovo ölkäse gubernatorına yullağan telegrammasında Tayjina şaxtasındağı qaza Rusiädä keşeneñ yäşäw häm imin xezmätkä xoquqları bozıluın kürsätkän ber dälil dip belderde. Kemerovo ölkäseneñ Osinniki şähärendäge şaxtada qazağa elägep hälaq buluçılar sanı 44 citte. Qaza waqıtında şaxtada bulğan 53 şaxterdan 12sen qotqarğannar, ikese äle dä xastaxänädä. Öç keşe xäbärsez yuğalğan sanala. Qaza metan gazı şartlawı näticäsendä kilep çıqqan. Bu xälgä qarata cinayät eşe açılğan. Rusiäneñ general prokurorı urınbasarı Valentina Simuçenkova äytüenä qarağanda, qısqa waqıt eçendä şaxtada şul qädär tığızlıqtağı gaznıñ barlıqqa kilü säbäpläre älegä, bilgesez. 13 april Kuzbassta mätäm köne dip iğlan itelde.

XS
SM
MD
LG