Accessibility links

пәнҗешәмбе, 8 декабрь 2016, Казан вакыты 19:21

Ärmänstanda politsiä opozitsiä cıyının köç qullanıp tarattı


Ärmänstan politsiäse bügen irtänge säğätlärdä başqala Yerevanda opozitsiä cıyınıñ su siptergeçläre , köç qullanıp taratqan.Küp kenä keşe yaralanğan. Şaqtıy keşe qulğa alınğan.Opozitsiä prezident Koçarian ütkän yılda xärämläşep üzen saylattı digän qaraşta.Ütkän atnadan birle oyıştırılğan demonstratsiälärdä ilbaşınıñ urınınnan kitüe taläp itelä.

Prezident Robert Koçarian belän anıñ köndäşläre arasında säyäsi konfrontasiä könnärdän birle däwam itä. Bügen irtängä qarşı politsiä marşal Bagramian maydanındağı tınıç cıyınnı köç qullanıp tarattı.Şunda bulğan Azatlıq xabärçese Melkumian wazğiätne taswirladı:(audio) Panikağa birelgän xalıq marşal Bagramian maydanınnan asqa taba yögerä. Politsiä su siptergeçlär qullana.Alar parlament binası aldındağı timer çıbıqlarnı cıyıp alıp, demonstratlarğa höcüm ite. Säğät irtänge 2 Düşämbe könne Prezident ofisına taba yulğa çıqqan 10meñ çaması keşene politsiä Marşal Bargramian meydanında tuqtata, demonstrantlarnıñ öçtän ber öleşe mäydanda qala, protest marşı kiçen muzıka festivalenä äylänä. İminlek köçläre ber dä kötelmägändä tınıç xalıqqa höcüm itä. Politsiä operatsiäne raslap, şaqıtıy keşeneñ yaralanuın ,qulğa alınuın äytsä dä sannar kitermäde. Ärmänstannıñ xosusi kiñ küläm mäğlümät çaraları qulğa alınuçılar arasında jurnalistlar da bar dip belderde. Eçke eşlär ministırlığı süzçese Sayat Şirinian bügen däwlät televidiniäsendä yasağan çığışında (audio) politsiä qanunsız aksiälär däwam itsä reaksiä kürsäteläçäk dip demonstrantlarnı kisätep kilde. Şuna qaramastan alarnıñ anti-sotsial aksiäläre ozaq waqıt däwam itte. Bezneñ kisätülärgä cawap itep alar politsiä köçlärenä taba kilä başladı. Şirinian protest belderüçelär iminlek xezmätkärlärenä taşlar , utlı şişälär ırğıtıp, xökümätkä qarşı şiğarlar qıçqırdı , rejimnı köç qullanıp töşerergä çaqırdı dip söyläsä dä, Opozitsiä moñı kire qaqtı. Radiobıznıñ Yerevan Burosı Ärmänstannıñ töp opozitsion partiälärendä tönnä töntülär ütkärelüen, baytaq qına aktivistnıñ qulğa alınuın xabär itte. Milli Berdämlek Partiäse citäkçese Artaşes Geghamian Radiobıznıñ Ärmän bülegenä üzeneñ de demonstratsiägä qatnaşuın äytep (audio) Politsiä xalıq arasında panik buldıru öçen här närsäne planlaştırğan ide. Alar xatın qız bala çağa , olı keşeme här kemne rezin çukmarlar belän qıynıy başladı.Min ber törkem politsiä aldına kilep basıp, min Geghanian mine qıynağız dip äytkäç, alar miña ike suqtılar da cibärdelär dip söylägän. Düşämbedäge cıyın , Ğädellek berektäşlege häm Milli Berdämlek Partiäseneñ Kocarianğa qarşı 4kön artlı artlı oyıştırğan cıyınnarnıñ in yuğarı noqtası buldı. Här ike partiä, Koçarian häm koalitsion xökümättäge 3 firqanı ütkän yıldağı saylawlarda xärämläşüdä ğäyeplilär.Alar citäkçelek turında referendum ütkärergä çaqıra.Koalitsiädäge 3 partiäneñ berse –Ärmän İnkilapçı Federatsiäse –Daşnakt-sutyun, Respublikan partiä häm Orinats Yerkir (Qanun tärtip partiäse ) deputatlarınıñ ber dä kötelmägändä kiçä parlament sessiäsen taşlap çığıp kitüenä qayberäwlär il citäkçelegendä tarqalu işaräse digän bäyä birde. Daşnaktsutyun deputatı Hovanessian, koalitsiädäge partiälär üz taraftarları belän Koçarianğa qarşı buluçılar arasında köç qullanu buldırmasqa teläde dip äytte. Ğädellek Berektäşlege citäkçelege bu adımğa şik beldersä dä, Milli Berdämlek partiäse citäkçese Geghamian bu Koçarian xakimiäteneñ azağına işarä itä dide.Yevropada İminlek wä Xezmättäşlek Oyışmasınıñ Yerivan bürosı citäkçse Vladimir Priaxin demonstratsiälärgä qarata (audio) Opozitsiä kiläse könnärdä xökümätkä qarşı cıyınnar oyıştıraçaqmı älegä bilgesez.

färidä xämit,praga
XS
SM
MD
LG