Accessibility links

шимбә, 3 декабрь 2016, Казан вакыты 01:36

Yekaterinburgta studentlarnıñ Bötenrusiä vokal olimpiadası tämamlandı


Yekaterinburg şähärendä urnaşqan Ural däwlät pedagogik universitetınıñ muzıykal'' pedagogika fakul''tetı nigezendä oyıştırılğan studentlarnıñ vokal buyınça Bötenrossiä olimpiadası tämamlandı. Älege olimpiadalar inde menä bişençe yıl rättän oyıştırıla. Alarnıñ töp maqsatı bulıp yäş, talantlı cırçılarnı tabıp barlaw, studentlarnıñ icadi sälätlären häm muzıykal'' kul''turasın üsterü, belgeçlär tärbiäläwneñ sıyfatın yaxşırtu tora. Şunısı qızıq, olimpiadada belgeçlekläre vokal bulmağan uqu yortlarında belem aluçı studentlar da qatnaşa. Äytergä kiräk, jyuri däräcäse dä bik yuğarı. Här yıl sayın studentlarnıñ belem däräcäsenä bäya birü öçen Mäskäw konservatoriäse professorı Georgiy Urbanoviç kebek ataqlı belgeçlär kilä. Bişençe yıl rättän uzdırıla torğan mondıy çaralar näticäsendä, zur belgeçlär yärdämendä, bik küp yäş cırçılar üzläreneñ icat yulın tapqannar.

Olimpiadalarda qatnaşuçılarnıñ geografiäse bik kiñ. Studentlar biregä Murmansk, Novosibirsk, Omsk, Tomsk häm başqa şähärlärdän küp cıyılalar. Milli törlelek tä bik zur urın alıp tora. Bu yılnı xätta bäygelärdä Qıtay qızı İn'' Nin'' qatnaşıp, maxsus prizğa layıq buldı. Olimpiadalar uzdıru däwerendä biredä yıl sayın Tatarstan häm Başqortstan studentları da kilmi qalmıy. Bu yılnı da biredä qatnaşqan tatar häm başqort yäşläre törle prizlar yaulap aldılar. Bigräk tä Başqortstannan kilüçe studentlar ayırıldılar – alarnıñ berniçäse xalıq cırların osta itep başqaruları öçen maxsus prizlarğa layıq buldılar. Yomğaqlaw kiçäsendä alarnı Başqortstan Respublikasınıñ Sverdlov ölkäsendäge daimi wäkile Näfisä Tyumenseva häm Tatarstannıñ Uraldağı daimi wäkile urınbasarı Xäydär Gıyl''fanov sälämlädelär. Tatarstannan häm Başqortstannan kilgän yäş cırçılarğa wäkilleklär tarafınnan maxsus büläklär tapşırıldı.

Başqort yäşlären alıp kilüçe citäkçe, Başqortstannıñ xalıq artistı Zölfirä Bakirova üzeneñ cawap çığışında xucalarğa bik zur räxmätlär belderde häm büläk itep, barlıq qatnaşuçılarnı tañ qaldırıp, iskitkeç köçle, matur tawışı belän Bäxti Ğaysinnıñ “Süzsez cır” köen başqardı.Ğomumän, tatar häm başqort yäşläreneñ mondıy çaralarda aktiv qatnaşuı çit ölkälärdä milli mädäniätıbıznı propagandalanunıñ ber töre bulıp torır dip ışanası kilä.

Fäwiä Safiullina.Yekaterinburg.

XS
SM
MD
LG