Accessibility links

шимбә, 10 декабрь 2016, Казан вакыты 21:28

Yekaterinburgta Şärif Kamalğa 120 yıl tuluğa bağışlanğan ädäbi-muzıkal kiçä uzdı


Kiçäne “Milli Media-Xoding” yärdäme belän Mäcit Ğafuri isemendäge tatar-başqort mädäni üzäge citäkçese Söfxät ağa Nadıyrov oyıştırdı. Yekaterinburg şähäre tatarları belän oçraşuğa Qazannan Şärif Qamal muzey direktorı Rämis Äymät häm yazuçı Mösäğit Xäbibullin da kildelär. Rämis Äymät xalıq aldında kürenekle ädibebez Şärif Qamal turında bik qızıqlı häm eçmälekle çığış yasadı. Anıñ süzlären yazuçınıñ biografiäse turındağı beleşmä belän Yekaterinburgtan Nailä apa Moksunova tağın da tulılandırdı. Annan soñ cıyılğan xalıq bik birelep Mösäğit ağa Xäbibullinnıñ tatar xalqınıñ tarixı turında bulğan bik mawıqtırğıç häm qızıqlı çığışın tıñladı. Şunda uq konservatoriä studentları Dilizä Nadıyrova häm Artem Semenovskix başqaruında qıllı muzıka qorallarında häm bayanda tatar milli moñnarı yañğıradı. Axırdan üzara aralaşu kitte. Fiker alışular waqıtında süz Sverdlov ölkäse tatarlarınıñ milli tormışı, telne saqlaw, tatar tele uqıta torğan klasslar buldıru häm tatar milli massaküläm mäğlümat çaraların torğızu turında bardı.

Fäwiä Safiullina.Yekaterinburg.

XS
SM
MD
LG