Ğiraqnıñ Äl-Falluca şähärennän yıraq tügel ber cirdä amerikan boralağı bärep töşerelgän. Qorbannar xaqında xäbärlär yuq.
Bağdadta radikal şığilar liderı Moqtad As-Sadrnıñ iñ yaqın bulışçısı Xazem Äl-Aradci qulğa alınğan bulğan, läkin berniçä säğättän anı azat itkännär. Bu xaqta ul üze, min Bağdadqa Ğiraqnıñ töbäk liderları belän oçraşırğa häm matbuğat konferensiäsendä qatnaşırğa kilgän idem, mine qulğa alıp, hawa mäydanına alıp kilgännän soñ ğafu ütenep, azat ittelär, dip beldergän. Alarnıñ törkemnäre Än-Nacaf şähärendä fetnä kütärgän ide. Än-Nacaf şähärenä koalitsiäneñ östämä köçläre tuplana başlağan. Soñğı xäbärlärgä qarağanda, töbäk liderları belän tınıçlıq söyläşüläre alıp barğan As-Sadr üzeneñ tarafdarlarına Än-Nacaf, Kerbel, Qufa şähärlärendä basıp alınğan cirle politsiä häm administrasiä binalarınnan çığıp kitärgä färmän birgän.
