Accessibility links

дүшәмбе, 5 декабрь 2016, Казан вакыты 19:44

"Açıq Universitetta" tatar telenä urın tabılırmı?


«Açıq universitet 2004-2005» digän proyekt qısalarında 14 april könne, Qazan däwlät universitetında berençe utırış ütte. Ul töbäk universitetlarınıñ mäğärif reformasında uynağan rolenä bağışlandı. İdel-buyı federal okrugı häm QDU tarafınnan başlanğan bu proyekt, belem birüne Evopa standartlarına turı kitü maqsatın quya. Rusiä Prezidentı qarşında eçläwçe maxsus Belgeçlär Şurası wäkile Andrey Volkov, älege utırışqa çığış yasap, mäğärif sistemasın üzgärtep qoru modelläre turında söyläde. Rusiädä yuğarı mäktäp reforması Ballon kileşüe nigezendä bara. Älege dokumentta süz Evropa illärendäge mäğärif sistemaların berdäm standartlarğa turı kiterü turında bara. Şuşı kileşügä Rusiä dä quşıldı. Xäzer belgeçlär reformanı qaysı yuldan cibärü turında uylıylar. Berençe çiratta, yuğarı mäktäpne bakalavr häm magistr däräcälärenä bülärgä täqdim itelä. Ul täcribälär, inde xäzer uq, qayber yuğarı uqu yortlarında alıp barıla. Berdäm däwlät imtixanı da, şuşı Evropa standartlarına taba ber adım bulıp tora ikän. Ämma yuğarı uqu yortları uqıtuçıları, bu reformalarğa şiklänep qarıy. Mäsälän, Qazan Däwlät Universitetınıñ jurnalistika fakul’tetı dekanı Wasil Ğarifullin reforma Evropa mäğärif sistemasınıñ uñay yaqların ğına alsın ide, di.

Standartlar kertü yaqlı keşelär, Qazan universitetında bakalavr belgeçlegen alıp, magistr däräcäsen mäsälän Sorbonada alıp bulaçaq, digän dälilne kiterä. Milli, regional komponent turındağı sorawğa da, alarnıñ üz cawabı bar. Mäsälän, mäğärif reforması belän şöğellänüçe Belgeçlär Şurası wäkile Andrey Volkov: « Regional komponentsız ber qaya kitep bulmıy» dide. Anıñ süzlärençä, cirle komponent, urtaq standart belgeçleklärne bayıta qına ala.

Bikä Timerova.

XS
SM
MD
LG