Bügen Makedoniädä prezident saylawları ütä. Prezident urınına dürt nämzät däğwä itä. Küzätüçelär xäzerge premier-ministr Branko Crvenkovski kübräk tawış cıyar dip sanıy. Saylawlarnı öç yözgä yaqın çit il küzätüçese tikşerep tora. Berençe turda ciñär öçen nämzät 50 prosent tawış cıyarğa tieş. Bu saylawlar, elekke prezident Boris Traykovskinıñ oçqıç qazasında hälaq buluı säbäple ütkärelä.
