Accessibility links

дүшәмбе, 5 декабрь 2016, Казан вакыты 17:35

Başqort belän tatarlarnıñ sanı iğlan itelmi


2002nçe yılda ütkän xalıq sanın alu mäğlümatlarınıñ näticälären cämägätçelek zur iğtibar belän kötä. Respublikada yäşäwçe öç töp millät: urıs, tatar häm başqortlarnıñ sanı küpme bulaçaq? Bu xaqta tarix fännäre qandidatı etnosäyäsätçe İldar Ğabdrawiqov fikerläre belän büleşä: “1989nçı yılğı xalıq sanın alu mäğlümatları buyınça respublikada 1 million 120 meñ tatar häm 200meñgä yaqın tatar telle xalıq yäşi ide. Şul çordan 2002nçe yılğı xalıq sanın alularğa qädär tübändäge üzgäreşlär buldı: tabiği üseş buyınça başqortlar berençe urında — alar 60 meñgä yaqın, tatarlar 25 meñ tiräsenä artqan. Urıslar, kiresençä, 65 meñgä yaqın kimegän. Migratsiä üseşenä kilgändä, tatarlar berençe urında — 80 meñgä yaqın, başqortlar häm urıslar 50şär meñgä yaqın artqan. Dimäk, näticälärne yomğaqlağanda, tatarlar häm başqortlar 100är meñgä kübäygän, ä urıslar, kiresençä, 20 meñgä kimegän. Şuşı sannarnı 1989nçı yılğı xalıq sanın alu näticälärenä quşsaq, şundıy sannar kilep çığa: Başqortstanda urıslar sanı million yarım tiräse, tatarlar 1 million 225 meñ häm başqortlar 1 millionğa yaqınlaşalar”.

XS
SM
MD
LG