Ufanıñ Kirov rayonında poçta taratuçı 49 yäşlek xatın üterelde. Ul başqalanıñ General Gorbatov uramındağı ber yortnıñ liftında tabılğan. Poçta taratuçı ul könne pensiä taratqan. Şahitlar birgän mäğlümatlarğa qarağanda, anıñ belän bergä liftqa ike yeget tä utıra. Alar pıçaq belän yanağannan soñ xatın yärdäm sorap qıçqıra häm anı atıp üterep, qulındağı sumqasın alıp qaçalar. Poçta taşuçınıñ kesälärennän bülep-bülep salınğan 93 meñ sum aqça tabıla. Qaraqlar alıp yögergän sumqada aqçalar bulmıy.Bu fakttan soñ poçta taşuçılar pensiä taratudan baş tartuların belderdelär.
