Accessibility links

Кайнар хәбәр

Yevropa illäre terrorçılar belän kileşügä barmayaçaq


Yevropa illäre, Osama ben Laden tawışı yazılğan dip farazlanğan tasmadağı, waqıtlı kileşü turındağı fikerne kire qağa. Yevropa komissiäse başlığı Romano Prodi, İtaliä xökümäte, Britaniä häm İspaniä, Yevropa illäre ber nindi wazğiättä dä terrorçılar belän kileşügä barmayaçaq, dip belderde. Bügen ğäräp telekanalları tapşırılğan, üzen Ben Laden dip atağan keşeneñ tawışı, ägär Yevropa illäre möselman illärenä qarata doşmanlıqtan baş tartsa, ul illärgä bernärsä dä yanamayaçaq, läkin Quşma Ştatalar belän solıx kileşüe turında süz bulırğa mömkin tügel dip belderde. Tasmada yañğırağan tawış 11 martta İspaniädäge terror ğämäle, Yevropanıñ Ğiraq belän Äfğanstandağı xäräkätläre öçen üç alu bulsa, Quşma Ştatlarda 2001 yılnıñ 11 sintäberendäge şartlawlar İzrailgä teläktäşlek beldergännäre häm Ğäräp yarımutrawına basıp kergännäre öçen üç alu dip belderde.
XS
SM
MD
LG