Belarusta barğan represiägä borçılğan komisiä anda keşe xoquqların küzätep baru öçen mäxsus wäkilen bilgeläde . Bu komisiäneñ kürä alaçaq in kisken çara bulıp tora. Rusiä Belarus turındağı rezolutsiäne tuqtatırğa tırışsa da Komisiä moñı kire qaqtı. 13qarşı 23 tawış belän resolutsiä qabul itelgändä , 17 il tawış birüdän totılıp qaldı. Bu çaranı başlıça yevropa häm Latin Amerika illäre yaqladı. Dokumentta Belarus xakimiätläre, ezsez yuğalğan, yäki opozitsiä taraftarı üterelgän keşelärne tikşerergä çaqırılğan.AQŞnıñ Jenevadağı wäkile Richard Williamson Belarus xökümäte ütkän yıldağı reforma çaqırularına cawap birmägänlektän rezolutsiä cawap bulıp tora dip äytep bolay dide(audio)
Belarus xökümäte komisiä belän xezmättäşlek itmägän kebek Yevropada İminlek wä Xezmättäşlek Oyışması kiñäş itkän saylaw proseduraların da qabul itmäde.Rejim bäysez jurnalistlar , xökümättän bäysez oyışmalar häm tınıç säyäsi oponentlarğa höcümnärne arttırıp, bolay da yaman bulğan keşe xoquqlarınıñ torışın tağı da kiskennäşterde .
Komisiä qayber äzğaları aşa üzen säyäsi qoral itep qullanıluına röxsät itä digän Belarus wäkile Sergei Aleinik bolay dip däwam itte (audio)
Komisiäneñ Törkmänstan turındağı rezolutsiäsendä dä xökümätneñ opozitsiäne izü, qısuına borçılu belderelä.Komisä törkmän xökümäten barlıq vöcdan totqınnarın şunduq irekkä çığarırğa çaqıra. Komisiä şulayuq cäberläw, qanunsız qulğa alu, üterü, fiker ireklege häm din ireklegen tikşerüçe BMO wäkileneñ kiläse yılda Törkmänstanğa baruın sorıy. Törkmänstan turındağı rezolutsiä 11gä qarşı 25 tawış belän ütte.Belarus rezolutsiäsenä qarşı tawış birgän Rusiä belän Ärmänstan Törkmänstan turında tawış birüdän totılıp qalğan. Yevropa Berlege häm xoquq yaqlawçı başqa illär inde 3 yıl rättän Rusiäneñ Çeçnädäge ğämällären xökem itä almıylar.Ütkärelä almağan rezolutsiä proyektında çeçen ğıysyançılarınıñ terror aktları xökem itelgän kebek Rusiä xärbiläreneñ urlaw, qanunsız üterü häm ceberläwläre dä xökem itelä .Dokumentta Rusiä humanitar yardäm törkemnäreneñ Çeçnägä kerüenä qulaylıqlar kürsätergä häm andağı wazğiätne küzätäçäk xalıqara oyışmalar belän xezmättäşlekkä çaqırıla.İrlandiä wäkile Mary Whalen (audio)
Ütkän yıllarda bulğan kebek bıyıl da Yevropa Berlege Rusiä Federatsiäse belän baştan uq dokument turında kileşergä tırıştı. Bez Rusiäneñ bu mäsälädä söyläşergä telämäwenä qızğanıç belderäbez. dip äytte.
Rusiä ilçese Leonid Skotnikov komisiä aldındağı çığışında Yevropanıñ- bu tör adımnarınıñ faydası yuq , duslarça ğämäl tügel, Rusiäneñ mänfäğätlärenä turı kilmi dide. Skotnikov süzlärençä(audio)
Bu rezolutsiäne yaqlap 12 il genä tawış birde. 23 qarşı 18 il isä tawış birüdän totılıp qaldı.Ärmänstan belän Ukraina qarşı tawış birüçelär arasında ide. Küp kenä Latin amerika illäre Belarus öçen tawış birgän bulsa, Çeçnä mäsäläsendä alar tawış birüdän totılıp qaldı.
färidä xämit,praga
färidä xämit,praga