Accessibility links

чәршәмбе, 7 декабрь 2016, Казан вакыты 11:51

«Tatnet yoldızları - 2004» bäygeseneñ saytı açıldı


Şuşı könnärdä global çeltärneñ RU öleşenä, yäğni Rusiäneñ domenı barlıqqa kilgängä, 10 yıl tuldı. RU-zonada küp kenä tatar saytları da üzlärenä sıyınır urın taptı. Tatar.ru, tatarlar.ru, kazan.ru häm başqa distälägän saytnıñ adresı şuşı RU öleşenä kerä. Şuña, Runetnıñ 10 yıllığı - tatar häm Tatarstan internetına da qağılışlı bäyräm.www.etatar.ru saytınıñ mäğlümatlarına qarağanda İnternet çeltärendä Tatarstan säxifäläre berençe tapqır 5 yıl elek barlıqqa kilep, şunnan birle üseş kiçerä. Elemtä ministrlığı mäğlümatlarına qarağanda, uzğan yılda global çeltärgä totaşuçılar sanı 116 meñgä citkän. Tatarstanda yıl sayın qullanuçılar sanı urtaça 20% arta bara häm informatsiä küläme dä bik zur tizlek belän kübäyä ikän. Şul uq, etatar.ru saytı xäbär itkänçä, Tatarstan saytları global çeltärdä äle bik az urın alıp tora, häm alar üseşeneñ berdäm yünäleşe yuq.İnternet çeltäre üskän sayın, Tatarstannıñ üz domenın buldıru turındağı söyläşülär da üsä bardı. Küpçelek möstäqil däwlätlärneñ üz domennarı bar, xätta keçkenä genä, 1 million xalqı bulğannarnıñ da, ä Tatarstannıñ –yuq! Bu mäs’älä zamanında matbuğatta da, fänni cämäğätçelek arasında da kütärelde. Bäxäslär buldı, çığışlar yasaldı, ämma waqıt uzdı, domen mäs’äläse onıtıldı.

Şul arada, tatar säxifälären yasıy torğan entuziast yegetlär, tatarlıqnı başqa yullar belän kürsätü yaqın qaradı. Runetta eşläde, başqa illärneñ domennarın qullandı. Mäsälän at.tt , tk öleşendä saytlar yasaw omtılışı buldı. Mäsälän, elektron kitapxanä.at.tt häm tuğan-tel.at.tt kebek säxifälär - şundıylardan.

Ütkän atnada «Tatnet yoldızları-2004» bäygeseneñ başlanıp kitüe turında xäbär itkän idek. Ul waqıtta bäygeneñ säxifäse äle äzerlänep betmägän ide. İnde xäzer, anıñ açıluı turında häm adresın äytä alabız. Bu eş belän Aynur Sibğätullin isemle millättäşebez şöğellände. Ul ütkän yılğı bäygene oyıştırğan keşelärneñ berse. Belgänegezçä, Aynur tatar.info adresında urnaşqan «Tatar tarix cämğiäte» digän säxifäne alıp bara. «Tatnet yoldızları-2004» digän bäygeneñ web-biten dä, ul, şul tirägä urnaştırğan. Anıñ adresı: tatnet.tatar.info. Älege säxifädä bäygeneñ nigezlämäse, qağidäläre, oyıştıruçılar turında mäğlümat tabıp bula.

Şulay uq, Aynur Sibğätullin, şäcärälärgä bağışlanğan yaña sayt belän dä tanıştırdı. Anda şotland, yapon, urıs, çeçen häm tatarlarnıñ bilgele näsellären, alarnıñ tarixların tabırğa mömkin.

Tatar ıruğları turında da küp mäğlümat tuplanğan. Apraksinnar Aqçurinnar, Närbäkovlar, Narışkinnar, Kutuzovlar kebek tatar näselläre, ıruğ isemeneñ mäğnäläre turında belep bula. Adresı tatar.famklan.ru

Bikä Timerova. bike@azatliq.ru

XS
SM
MD
LG