Accessibility links

сишәмбе, 6 декабрь 2016, Казан вакыты 11:21

Barısı da Tuqayğa bağışlana


Başqortstanda böyek şağirebez Ğabdulla Tuqaynı iskä alu çaraları başlanıp kitte. Respublikadağı tatar mäktäplärendä Tuqayğa bağışlanğan açıq däreslär ütkärelä, kitapxanälärdä isä uquçılar konferensiäläre oyıştırıla. Ufada da bıyıl Tuqay könnäre şaqtıy zurlap ütkärelä. Täwge zur çara Başqortstan däwlät filarmoniäsendä 18 aprelgä bilgelängän. Bu könne biredä Başqortstannıñ «Säxipcamal» isemle tatar xatın – qızları oyışması «Tuqay häm xatın – qız» dip atalğan zur kiçä ütkärä. Anda tanılğan ğälimnär häm sänğät ähelläre çığışları bulaçaq. «Ğälimnärebez «Tuqay häm xatın – qız» digän temğa qızıqlı tikşerenülären bäyän itäçäk, – di «Säxipcamal» oyışması citäkçese Gölcihan Yähüdinä. Ufada Tuqay könnäre qısalarında 27 aprel könne tağın ber zur kiçä ütäçäk. Bu könne Ufa «Nur» tatar däwlät drama teatrındağı mädäni çaranı Başqortstan tatar milli oyışmaları belän berlektä kompozitor Alik Loqmanov oyıştıra. Kiçädä Tuqaynıñ şiğerläre, anıñ süzlärenä yazılğan cırlar, şulay uq xäzerge zaman kompozitorları äsärläre dä yañğırayaçaq.

Fänis Fätxi, Ufa

XS
SM
MD
LG