Accessibility links

җомга, 9 декабрь 2016, Казан вакыты 10:45

Jose Luis Rodrigues Zapatero İspaniäneñ premyer-ministrı buldı


İspaniäneñ sosialistlar partiäse citäkçese Jose Luis Rodrigues Zapatero bügen räsmi töstä premyer-ministr wazifasına kereşte. 43 yäşlek Zapatero'nıñ ant birü tantanasında İspaniä patşası Juan Carlos, patşabikä Sofia häm elekke premyer-ministr Jose Maria Aznar qatnaştı.

14 martta uzğan saylawlarda Zapatero häm anıñ sotsialistlar firqase kötelmägän ciñü yawladı. Tawış birü aldınnan ğına 191 keşeneñ ülemenä säbäp bulğan Madrid höcümnäre bulğan ide. Comğa könne parlament aldında çığış yasağanda, Zapatero, terrorğa qarşı ayawsız köräş alıp baraçağın belderde. Şulay uq, Ğiraqta ğaskärlär 30nçı iüngä qadär Berläşkän Millätlär Oyışması qaramağına küçerelmägän oçraqta – ispan xärbilären Ğiraqtan çığaraçağın belderde.



Kiçä Şvetsiädän qaytışlıy Madrid hawa alanında qulğa alınğan 23 yäşlek Bosniälı Sanel Sjekirica'ğa ğayepläwlär belderelmäde. Soñğı 10 yılnı İspaniädä yäşägän Sjekirica üzeneñ Madrid höcümnärenä qatnaşı buluın kire qaqtı. Ämma şul 11 mart höcümnären oyıştırğan dip sanalğan Serhan Ben Abdel-macid Faxet isemle keşe belän qayçandır ber fatirda yäşägänen tanıdı. Abdel-macid Faxet isä – polisiä binağa bärep kergändä üz üzlären şatrlatqan 7 terrorçınıñ berse ide.

XS
SM
MD
LG