Accessibility links

якшәмбе, 11 декабрь 2016, Казан вакыты 03:25

Amerikan xärbiläre Bağdad tiräsendäge olı yullarnı yaptı


Ğiraqnıñ bu şähärendä amerikannar citäkçelegendäge koalisiäneñ yuğarı wäkilläre belän Ğiraq yulbaşçıları arasında bügen söyläşülär ikençe kön däwam itte. Soñğı ike atna eçendä bik küp amerikan ğaskärläre häm ğiraqlılar hälak bulğannan soñ ike yaq ta bäreleşlärne tuqtatuları turında belderep söyläşülär başladı.

Ğiraq başqalası tiräsendä bäreleşlär däwam itüe säbäple amerikan xärbiläre Bağdadnıñ tönyaq häm könyağındağı olı yullarnı yabuların xäbär itte.

Bügen Bağdadta çärşämbe könne totıq itep alınğan ike yapon jurnalistı azat itelde. Comğa könne Äl-Cäzirä televideniäsendä kürsätelgän amerikan xärbie Keith Matthew Maupin turında östämä xäbärlär yuq. Anı ğiraq ğısyançıları totıq itep alğan. Najaf şähärendä koalisiä köçläre häm radikal ruxani Moqtada as-Sadr arasında qarşı toru däwam itä.

XS
SM
MD
LG