Accessibility links

якшәмбе, 4 декабрь 2016, Казан вакыты 13:19

Kosovoda Ğiraq mäs'äläsendä çıqqan bäxästä 3 keşe atıp üterelde


Kosovska Mitrovica'da Berläşkän Millätlär Oyışmasınıñ Kosovodağı missiäsendä eşlägän 2 amerikan häm 1 yordan polisiä xezmätkäreneñ üterelüenä Yordaniä xökümäte borçılu häm ükeneç belderde. Atışlar Ğiraq mäs'äläsendä çıqqan bäxäs waqıtında başlanğan. Yordannıñ räsmi Petra mäğlümat agentlığı, xökümätneñ matbuğat wäkile Asma Xader süzlären kiterep, Amman bu eşne tikşerä başladı, dip xäbär itte. Berençel mäğlümatlärgä qarağanda Yordan polisiäse xezmätkäre berençe bulıp hawağa ut açqan ämma aña başqa ber keşe cawap itep ata başlağan. 10 amerikan häm 1 awstraliä watandaşı yaralanğan. Berläşkän Millätlär Oyışması da bu xälne üze tikşerä başladı. Oyışmanıñ Kosovodağı yuğarı wäkile Harri Holkeri, hälak bulğannarınıñ ğailäläre häm bu illär xökümätläreneñ qayğısın urtaqlaştı.

XS
SM
MD
LG