Accessibility links

җомга, 9 декабрь 2016, Казан вакыты 16:38

P.Bremer: Ğıraq iminlek köçläre 30 Yünnän soñ ber üzläre ilne saqlıyaçaq xäldä tügel


AQŞ citäklägän koalitsion köçlär belän Ğıraq ğıysyançıları arasında Nacaf häm Fallucada kierenkelek däwam itkändä, AQŞ sivil administratorı P.Bremer 30-nçe iyündä xakimiät ğıraqlılarğa tapşırılğanda Ğıraqnıñ iminlek köçläre ilne saqlarlıq xäldä bulmayaçaq dip äytte

AQŞ sivil administratorı P.Bremerneñ kiçä iğlan itkän yazulı belderüendä sonğı ike atnadağı bäreleşlär Ğıraqnıñ qurqınıçlarğa qarşı tora almawın , çit il yardämenä moxtaç buluın kürsätte dip äytelä. Bremer yazuınça Ğıraqlılar häm koalitsion köçlär 30nçe iyünnnän soñ da iminlekne tämin itü mäsäläsendä partnör bulırğa däwam itäçäk. Şimbä könge bäreleşlärdä 10 amerikan ğäskäriä ,şulsanda 5marin Süriä çigenä yaqın urında häläk buldı. Ber yıl elek suğış başlannnan birle aprel ayındağı qädär zur yuğaltular bulğanı yuq ide. Nacaf häm Fallucada şığı häm sönni suğışçlar belän koalitsiä köçläre arasındağı kirenke xäl däwam itä. Şığılarnıñ izge şähre Nacafnı 2500 amerikan xärbiä çolğap alğan. Xabärlärgä qarağandşähärneñ qayber öleşlärendä 1 meter yarım biyeklegendä balçıq häm qomdan diwar tözegän. Amerikannar şığı ruxanise Moqtada al Sadrnı qulğa alu mäqsatında şähärgä kergänçe söyläşülär başlaw öçen waqıt biräçäkbez dide.AQŞ armiäse , köndäş şığı ruxanisen ütertkän al Sadrnı qulğa alırğa yäki üterergä häm anıñ Mahdi armiäsen yuqqa çığarırğa teläwen belderde. Polkownik Dana Pittard , söyläşülär bara ğäskärlär näticäne kötä dip Reuterğa belderde.İspanya Ğıraqtağı xärbilären kire qaytaraçağın iğlan itkännän soñ al Sadr süzçese al Xazali , suğışçılarğa ispan ğäskärilärenä höcüm itmäskä digän kürsätmä birde , Xazali başqa illärne dä İspanyadan ürnäk alırğa , xärbilären saqlap qalırğa çaqırdı. Süzçe bilgele şartlarda BMo tınıçlıq xärbiläreneñ , bigräk tä möselman koalitsiägä qatnaşmağan illär xärbiläreneñ urnaşuın xuplıy digän al Sadr belderüen qabatladı. Al Xazali kiçä Nacafta söyläşülär körçekkä terälde dip äytkän ide (audio) bez söyläşülärneñ körçekkä terälüen belderdek inde. Amerika tarafı xärbi aksiälär genä äzerlänä, şığı yağı izge şähärlärne saqlarğa äzer dip söyläde. Ğıraqnı İslamçı partiäse Dawanıñ aradaşlıq itüçe äğzası Abdul Kärim al Anizi yäkşämbedä xärbi aksiäne tuqtatu mömkin bulır digän optimistik qaraş belderde( audio) Min yaña söyläşülär başlarbız digän optimistik qaraşta. barlıq taraflar häm koalitsion köçlär xärbi aksiälär tügel ä dialog aşa küpkä kübräkkä ireşüneñ mömkin buluın añlar dip ömed itäm. bez dini xakimiätlärgä söyläşülärneñ detallären belderdek, alar älege pat wazğiättän çığu köç qullanunı buldırmaw belän nıq qızıqsına dide al Anizi. Al Sadr xz Möxämmädneñ wafat itü könen iskä alu öçen Nacaf häm tiräsendä 2 könlek atışlarnı tuqatu iğlan itte .Sönni üzäge Nacafta ğıraqlı aradaşçılar şähärdä atışlarnı tuqatunı nığıtu mäqsatında koalitsiä belän cirle citäkçelär arasında yaña oçraşu buldırırğa tırışa.Bilgele bulğança Fallucada31nçe martta AQŞnıñ 4 watandaşı üterelep, mäyetläre mısqıllanudan soñ AQŞ xärbiläre şähärgä höcüm oyıştırdı Ğıraqlılar häcümdä yözlärçe sivil keşe üterelde dip äytsä dä ,amarikan yağı ğıysyançılar xatın qız häm bala çağanı qalqan itep qullana dip däğwä itä.

färidä xämit,praga
XS
SM
MD
LG