Un yaña däwlätneñ Yevropa berlegenä qabul itelüe, Yevropanıñ büleneşenä bersüzsez çik quyaçaq dide bügen, Britaniä premier-ministrı Tony Blair. Yevropanıñ üseş häm tärräqqiät bankınıñ yıllıq oçraşuında çığış yasağan Blair, Yevropa berlegeneñ kiñäyüe, hiçşiksez ul töbäklärdä iqtisadi reformalarnı alğa söräçäk dide. Yevropanıñ üseş häm täräqqiät bankı idaräse räise itep Jan Lemer saylanğan. Bu bank 1991 yılda, Üzäk häm Könçığış Yevropa illärendä kommunizm rejimı ber-ber artlı tarqala başlağaç, küçeş waqıtında ul illärgä yärdäm itär öçen tözelgän ide.
