Accessibility links

җомга, 2 декабрь 2016, Казан вакыты 23:07

AQŞta yaña kitap -- CİA direktorı äytkännärenä qapma qarşı


Ğıraqta küpläp üterü qorallarınıñ tabılmawı,iqtibarnı AQŞ küzläw idaräse CİAneñ eşçänlegenä cälep itte.CİA direktorı G.Tenet G.Bushnıñ suğış başlatu qararı , ul waqıtta mömkin bulğan iñ yaxşı mäğlümätkä nigezlände dip äytte.Ämma yaña ğına näşer itelgän ''Höcüm planı'' isemle kitapta, Bush şik-şäbxä beldergändä G.Tenet dälilgä ışandıruçı dip qarağan keşe bularaq taswirlana

Bush administratsiäse suğış başlatunı qulaylaştıru öçen bälkim dä S.Xösäin bik zur qurqınıç bulıp tora dip taswirlawı öçen küzläw idaräsenä basım yasağandır digän fikerlärgä, CİA direktorı G. Tenet bezneñ analizlarda Saddam ber qayçan da töbäkkä, dönyağa yäki AQŞqa şunduq qurqınıç tudıruçı itep taswirlanmadı dip äytte. Ul Bush administratsiäse CİAneñ üz mäğlümäten täfsilläw täsire astında qaldı dip däğwä itüçelärgä dä qarşı çığıp,(audio) Ğıraq turında bez xaqlımı yäki yalğışmı digän soraw birelde . Küzläw eşendä sin ber qayçanda tulısınça döres yäki tulısınça xatalı bula almıysın. Bu Saddamnıñ küpläp üterü qorallarına da qarıy dip äytte Tenet Ämma WP jurnalistı Bob Woodwardnıñ ''Höcüm planı'' isemle kitabında Tenet bolay itep taswırlanmıy.Woodward yazmaları 3 distä yıl elek R.Nixonnıñ Watergate skandalınnan soñ çigenüenä kitergän ide. Woodward älege kitabında Tenet Bush belän möhim oçraşuda Saddam küpläp üterü qorallarına iä dip ike märtäbä qabatlap prezidentnı ışandırdı dip yaza.Kitapqa qarağanda suğıştan 3 ay elek Tenet häm anıñ yardämçese John McLaughlin foto räsemnär belän detalle mäğlümät birsälär dä , Bush älle ni ışanıp betmi , miña birelgän barlıq küzläw mäğlümäte Saddamnıñ küpläp üterü qoralına iä buluı turında , monnan da yaxşıraq närsä yuqmı dip äytkän bulğan. Woorward yazuınça Tenet bu Saddamğa qarşı in nıq dälil dip täqrarlasa da, Bush yañadan şik şäbxä beldergän. Bush Woodwardqa birgän 3säğät yarımlıq ängämä waqıtında, Tenetnıñ küzläw mäğlümäte turındağı garantiäläre suğış başlatu qararına nıq täsir itte digän.Tenetneñ ike törle rolen niçek bäyälärgä son?Salqın suğış yıllarında Yevropada küzläw ofitserı bulıp xezmät itkän pensiädäge AQŞ generale Edward Atkeson Woodward kitabınıñ ber öleşenä nıq borçılu belän qarap, CİA citäkçese öçen Ğıraqta qorallar tabılmawı çınlap ta kötelmägän eş buldımı , şulay bulsa di Atkeson anıñ baştağı ışanuı ällä ni nıq bulmağandır. Atkeson ayruça Woodwardnıñ Tenetne küzläw dairäläre metodlarına kileşle eşlämi dip taswirlawına qarata(audio) Min anıñ prezident östälenä ber nindi analiz yasalmağan dokument kaldırıp, käğäzlär monda, sorası äyberen bulsa şaltırat dip äytüen küz aldına kiterä almim dip söyli. Ul Woodwardnıñ Tenetneñ qılanış-söyläwe turında da da kileşep betmiçä beräw xätta CİA direktorı da prezident bigräk tä här kemneñ näzaqätle , ciddi buluın taläp itkän ilbaşı belän şundıy tonda söyli almıy di. Atkeson tağı, Woodward kitabındağı çığanaq mäsäläsenä tuqtalıp, aftor bu xaqta 75 räsmi şäxes belän söyläşüen yazsa da ,alarnıñ berseneñ dä isemnäre birelmägän , Bushtan alınğan mäğlümät kenä kürsätelä dip söyli Pensiädäge general Atkeson , Bush küzläw xezmätläre birgän Saddamnıñ qoral arsenalı turındağı mäğlümätkä nindi däräcädä şiklänep qaradı mikän dip sorıy häm Bushnıñ ölkän politik kiñäşçese Karl Rove bälkim dä prezidentqa üzenne suğış başlatırğa telämewçe itep kürsät digän kiñäş birgänder di. CİA direktorı.G.Tenet , agentlıq älege waqıtta yaxşı eşlädäme, prezidentqa yaxşı mäğlümät birdeme digän mäsäläne tikşerä , xalıq bu turıdağı qararnı sabır belän kötergä tieş dip äytte.Woodwardnıñ höcüm planı isemle kitabı CİAnı saqlıqlı pozitsiägä quya

färidä xämit,praga
XS
SM
MD
LG