Yevropa Berlege räsmiläre Russiäneñ Dönya Sävdä Oyışmasına ağza bulıp kerü mäsäläsendä kileşügä ireşelü aldında tora digän mätbuğatta basılıp çıqqan farazlarnıñ döreslegenä şik belderdelär. Sävdä komissiäseneñ ölkän räsmise Matthew Baldwin bügen Brösseldä yasağan çığışında, Russiä söyläşülärne tizlätü belän qızıqsına, ul bu turıdağı kileşüneñ May ayında bulaçaq Yevropa Berlege-Russiä summitına qädäre ireşelüen teli bulsa kiräk dip belderde. Läkin, anıñ süzlärençä, Yevropa Berlege Russiäneñ bu ambitsiäsenä iärergä teläsä dä, ike yaqnıñ ta, tik bilgele möddätkä qädäre mäsäläne xäl itü öçen genä aşığuı döres bulmas ide, saqlıq kürsätergä kiräk. Yevropa Berlegeneñ sävdä komisarı Pascal Lamyneñ süzçese Arança Sançez xanım energiä bäyäse mäsäläsendä yaqın kiläçäktä kileşügä ireşü bälkim mömkin bulır, çönki Russiä energetika säyäsäte Dänya Sävdä Oyışması säyläşülärendä tikşerelmäskä tieş digän pozitsiäsennän çigende dip belderde. Sançes Yevropa Berlege Russiägä energetika säyäsäteneñ nindi bulırğa tieşlegen tağarğa tırışmıy, tik energetika ölkäsendä ike arada deskriminatsiäneñ bulu ixtimallığına ğına borçıla dip tä süzlärenä östäde.
Audio
"Süz energetika tügel, ä sävdä belän bäyläneşle energetika turında bara. Matthew Baldwin äytmeşli bez Russiäneñ Dönya Sävdä Oyışmasına kerüe mäsäläsen anıñ nindi energetika säyäsäten alıp barırğa tieşlegen tağu öçen faydalanırğa tırışmıybız. Bu anıñ suveren qararı. Läkin, ägär dä süz energetikağa eksport salımı turında bara ikän, monıñ qäğidälären Dönya Sävdä Oyışması bilgeli. Ägär dä süz transit ireklege turında bara ikän, bu xaqta Dönya Sävdä Oyışması häm Tarif häm Sävdä buyınça Ğomumi Kileşüneñ maddälärendä açıq yazılğan."
Yevropa Berlegen Russiäneñ tabiği gaz öçen Yevropa Berlege şirkätlärennän Russiä şirkätlärenä qarağanda 4-5 märtäbägä küberäk aqça taläp itüe borçıy. Bu Russiä şirkätlärenä ğadel bulmağan östenlek birä. Baldwinneñ süzlärençä, Russiä eçke energetika bäyälären kütärüneñ zarur buluın prinsipta qabul itkän. Mäsälä tik bäyälärneñ qayçan häm nindi däräcädä kütäreläçägendä. Russiä belän energetika ölkäsendä partnerlıq Yevropa Berlege öçen bik möhim. Anıñ tabiği gaz ixtiyacınıñ 25 protsentın, nefte importınıñ 20 protsentın Russiä qaplıy. Baldwin, Mäskävdäge söyläşülärdä tamojna tariffları mäsäläse töp tema bulaçaq dip belderde häm tağı bolay dide
Audio
"Bu qıyın atna bulaçaq . Andağı täräqqiät, bezgä söyläşülärneñ qayçan tämamlana alaçağın farazlauğa mömkinlek biräçäk."
Baldwinneñ süzlärençä, qayber temalarda qıyın söyläşülär alda. Straxovka häm bankaçılıq kebek finans mäsälälärdä Yevropa Berlege üz şirkätläreneñ , cirle bülekçälären buldırmıyça turıdan-turı eş itä aluların teli. Telekommunikatsiä sektorında ul Russiäneñ ozın yıraqlıqqa şaltratularda monopol buldıru tırışlığına qarşı çığa. Russiäneñ Dönya Sävdä Oyışmasına kerüenä qarağan söyläşülärne başqa qayber mäsälälär dä qatmarlandıra. Alar arasında Russiäneñ ikeyaqlı partnerlıq kileşüen yaña ağzalarğa da cäyelderügä qarşı çığuı , Kyoto protokolona imza itärgä telämäve dä bar. Ağzalıq mäsälsendä Russiägä Yevropa Berlege belän genä tügel, ä başqa töp sävdä partnerları AQŞ häm Qıtay belän dä kileşergä kiräk bulaçaq.
Färit İdelle, Praga.
Audio
"Süz energetika tügel, ä sävdä belän bäyläneşle energetika turında bara. Matthew Baldwin äytmeşli bez Russiäneñ Dönya Sävdä Oyışmasına kerüe mäsäläsen anıñ nindi energetika säyäsäten alıp barırğa tieşlegen tağu öçen faydalanırğa tırışmıybız. Bu anıñ suveren qararı. Läkin, ägär dä süz energetikağa eksport salımı turında bara ikän, monıñ qäğidälären Dönya Sävdä Oyışması bilgeli. Ägär dä süz transit ireklege turında bara ikän, bu xaqta Dönya Sävdä Oyışması häm Tarif häm Sävdä buyınça Ğomumi Kileşüneñ maddälärendä açıq yazılğan."
Yevropa Berlegen Russiäneñ tabiği gaz öçen Yevropa Berlege şirkätlärennän Russiä şirkätlärenä qarağanda 4-5 märtäbägä küberäk aqça taläp itüe borçıy. Bu Russiä şirkätlärenä ğadel bulmağan östenlek birä. Baldwinneñ süzlärençä, Russiä eçke energetika bäyälären kütärüneñ zarur buluın prinsipta qabul itkän. Mäsälä tik bäyälärneñ qayçan häm nindi däräcädä kütäreläçägendä. Russiä belän energetika ölkäsendä partnerlıq Yevropa Berlege öçen bik möhim. Anıñ tabiği gaz ixtiyacınıñ 25 protsentın, nefte importınıñ 20 protsentın Russiä qaplıy. Baldwin, Mäskävdäge söyläşülärdä tamojna tariffları mäsäläse töp tema bulaçaq dip belderde häm tağı bolay dide
Audio
"Bu qıyın atna bulaçaq . Andağı täräqqiät, bezgä söyläşülärneñ qayçan tämamlana alaçağın farazlauğa mömkinlek biräçäk."
Baldwinneñ süzlärençä, qayber temalarda qıyın söyläşülär alda. Straxovka häm bankaçılıq kebek finans mäsälälärdä Yevropa Berlege üz şirkätläreneñ , cirle bülekçälären buldırmıyça turıdan-turı eş itä aluların teli. Telekommunikatsiä sektorında ul Russiäneñ ozın yıraqlıqqa şaltratularda monopol buldıru tırışlığına qarşı çığa. Russiäneñ Dönya Sävdä Oyışmasına kerüenä qarağan söyläşülärne başqa qayber mäsälälär dä qatmarlandıra. Alar arasında Russiäneñ ikeyaqlı partnerlıq kileşüen yaña ağzalarğa da cäyelderügä qarşı çığuı , Kyoto protokolona imza itärgä telämäve dä bar. Ağzalıq mäsälsendä Russiägä Yevropa Berlege belän genä tügel, ä başqa töp sävdä partnerları AQŞ häm Qıtay belän dä kileşergä kiräk bulaçaq.
Färit İdelle, Praga.