Accessibility links

дүшәмбе, 5 декабрь 2016, Казан вакыты 03:29

Qazanda Leninnıñ tuğan könen xäterlilär...


22 april -Vladimir Leninnıñ tuğan köne. Äle 15 yıl elek zurlap ütkärelgän bu bäyrämne, bügen, xäterläwçelär barmı? Proletariat yaqlawçısına quyılğan häykäl Qazannıñ İrek mäydanında, haman da tora. Ul yäşägän yortta muzey eşli. Lenin isemen yörtkän institutlar, xätta Qazan däwlät universitetı da, äle dä iskeçä atala. Ämma, şul uq waqıtta, Lenin täğlimätennän başqa da, ber buyın üsep ölgerde.

Qazan uramında ütkärgän keçkenä soraştıru kürsätkänçä, xalıq, 22 aprildä Leninnıñ tuğan kön bulğanın xäterli ikän. Qazannıñ üzäk uramnarınıñ berse, Lenin uramı, berniçä yıl elek isemen üzgärtte. Kreml` uramına äwerelde. Ä menä yulbaşçınıñ muzey-yortı urnaşqan uram, haman da, Ulyanov-Lenin isemen yörtä.22nçe april könne Leninnıñ muzey-yortı qunaqlardan özelep tormadı. Ämma kilgän qunaqlarnıñ kübese – jurnalistlar ide, alar ber-ber artlı äñgämälär yazdırıp kitte. Başqa könnärne dä, biregä kilüçelär bula ikän. Muzeynıñ mödire Läysän xanım Karieva äytkänçä, Ulyanovlar ğailäse yäşägän yortnı yılına 10 meñ keşe qarap kitä. Mödir xanım biredä altı ğına yıl eşli, ämma ixlas kommunistlar ğailäsendä üskängä kürä, marksizm-lenininzm turındağı sorawlarğa ciñel cawap birä. Dinneñ tıyıluı häm säyäsi zolımnı da ul, xakimiätkä yararğa tırışuçılar yawızlığı belän añlata. Ölkän buyın kommunistlar öçen, Leninnıñ tuğan köne, sotsializmnı tözü omtılışı belän berrättän, yäşlek xatiräläre belän dä bäyle. Şuña, Lenin tarafdarları, anıñ tuğan könendä çäy mäclese yanında oçraşırğa yarata. Ä bıyıl, muzey xezmätkärläre häm Leninnı yaratuçılar, 24 aprildä, xalıqara eşçelär könenä bağışlap ütkärelgän konferensiädä oçraşırğa isäpli.

Bikä Timerova.

XS
SM
MD
LG