Accessibility links

шимбә, 10 декабрь 2016, Казан вакыты 21:34

Kosovoğa söyläşülär ütkärü öçen NATO wäkilläre törkeme kilde.


Bügen NATO general' sekretare Jaap de Hoop Scheffer citäkçelegendäge törkem Kosovoğa kilde. Alar Kosovodağı BMO baş administratorı Harri Holkeri häm Kosovo prezidentı İbrahim Rugova belän söyläşülär ütkärä. Kosovoda NATO tınıçlıq saqçıları buluğa qaramastan, Mart ayındağı bäreleşlärdä 19 keşe hälak buldı, yözlärçä keşe yaralandı. De Hoop Scheffer uzğan aydağı xällärneñ qabatlanmawı Kosovo citäkçelegenä bäyle dide. Yewropa İminlek wä Xezmättäşlek Oyışmasınıñ matbuğat wäkile Miklos Haraszti Kosovodağı millätara bäreleşlärgä cawapsız häm sensatsiäçel ruxtağı xäbärlär säbäp buldı dide. Haraszti Kosovodağı alban xäbärçeläreneñ 16-nçı martta ike alban malayınıñ batırıluı turındağı xäbärne xalıqqa citkerü ısulı Kosovoda kiñküläm ğisyan başlanuğa säbäp buldı dip äytte. Albaniä prezidentı Alfred Moisiu Kosovo statusın bilgeläwneñ kiçekterelüe töbäktä eksremistlanıñ köçäyüenä kiteräçäk dip kisätte. Ul Kosovo statusı andağı xalıq telägenä qarap häm xalıqara cämäğätçelek yardäme belän bilgelänergä tieş dide.

XS
SM
MD
LG