Accessibility links

җомга, 9 декабрь 2016, Казан вакыты 03:16

Qazan basketbolçıları Yeropada iñ köçlelär arasında


Tatarstanğa Altay respublikasınıñ parlamentı citäkçese İgor Yaimov kilde. Monda ul respublika prezidentı Mintimer Şäymiev, üzeneñ kollegası Färit Möxämmätşin belän oçraştı häm ike respublika arasında iqtisadi häm mädäni bağlanışlarnı arttıru turında söyläşte.

Federal iminlek xezmäte citäkçese Nikolay Patruşevnıñ Tatarstanğa vizitı tämamlandı. Ul Qazanda 2 kön buldı. Patruşevnıñ respublikağa kilüeneñ töp maqsatı bulıp Federal İminlek xezmäteneñ Tatarstan idäräseneñ yaña başlığın täqdim itü tordı. Älege urında elek eşlägän Aleksandr Gusev Däwlät Şurasına deputat bulıp saylanğannan soñ, bu wazifağa İminlek xezmäteneñ Udmurtiä respublikasında idärä citäkçese Evgeniy Vdovin quyıldı. Annan tış, Nikolay Patruşev Qazanda tağın İslam universitetında buldı, älege uqu yortınıñ uquçıları häm uqıtuçıları belän tanıştı, dini mäs’älälär buyınça Tügäräk östäl eşendä qatnaştı. Vizitnıñ räsmi öleşennän soñ İminlek xezmäte citäkçese Qazannıñ Dinamo sport üzägendä ütkän voleybol matçında qatnaştı. Anda Nikolay Patruşev çığış yasağan Rusiä İminlek xezmäte veterannarı komandası üzläreneñ Tatarstandağı kollegaların ciñde.

Xäyer, älege xäbär bu könnärneñ iñ qızıqlı sport xäbäre dip äytep bulmıy. Başqalada 22-24 aprel’ könnärendä Rusiädä berençe märtäbä FİBA Evroligasınıñ Dürtlelär finalı uza. Anda Evropanıñ iñ yaxşı dürt basketbol komandası qatnaşa. Alar arasında Qazannıñ UNİKS komandası bar. 22 aprel’dä ütkän berençe yarım finalda Rusiäneñ tağın ber komandasın – Ural-Greytnı ciñep, Qazan basketbolçıları şimbädä ütäçäk final uyınnarına çıqtı. Anda qazanlılar İzrail’neñ Xapoel’en ciñgän Gretsiäneñ Marussi komandası belän köç sınaşaçaq. Bu uyında Tatarstan flagların tağıp, başlarına käğäzdän maxsus şuşı uyınnar öçen yasalğan tübätäyle UNİKS fanatları Basket-xollda tağın da kübräk bulaçaq, dip ışana oyıştıruçılar.

Gölnaz İlgizär

XS
SM
MD
LG