Accessibility links

җомга, 9 декабрь 2016, Казан вакыты 13:03

Yevropa Şurası üz gimnınıñ törle muzikal variantları tuplanmasın kompakt disk itep çığardı. Zur uñış


Yevropa Şurası digän süzlärne işetkäç keşe närsä uylıy? Bälkim keşe xoquqları, bälkim Demokratiä . Läkin , hiç şiksez Hip-hop turında tügel. Uylap qarağız. Yevropanıñ keşe xoquqlarına qarağan iñ yuğarı organı Yevropanıñ gimnı bulğan Beethovenneñ Şatlıq Odasınıñ törle musical variantları tuplanmasınıñ kompakt diskın çığardı. Ul asılda jurnalistlarğa yardäm öçen çığarılğan bulğan. Läkin, taläp zur bulğannıqtan, Yevropa Şurası xäzer ul disknı cämağätçelekkä satuğa çığarğan.

Yevropa gimnı şulay ğına yanğırıy ide.

Audio

Elek mondıy variantın ber dä işetep bulmas ide .

Audio

Bu Ludwig von Beethhovenneñ Şatlıq Odasınıñ hip-hop variantı ide.

Yevropa Şurası tarafınnan bu yılnıñ başında çığarılğan kompakt Diskta gimnnıñ 19 variantı bar. Alar arasında gitar yäisä piyanoda uynalğan jazz variantları da bar.

Audio

Yevropa Şurası süzçese Alun Drakenıñ belderüenä qarağanda, maqsät jurnalistlarğa üz programmalarında yardäm itü häm ber ük vaqıtta bu protses vaqıtında keşe xoquqları oyışmasın tanıtu. Läkin, kompakt disk üz yulınnan täräqqi itte häm jurnalistlar ğına tügel, ä başqalar da anı sorap möräcäğät itä başlağannar. Drake mondıy reaksiäne kötmägän.

Audio

"Alar arasında ğadi keşelär dä, Yevropa mäsälälären öyränüçe studentlar da häm törle mäcleslärdä Yevropa gimnınıñ törle variantların uynarğa telägännär dä bar. Jurnalistlar ğına tügel, ä şulay uq xökümättän bäysez oyışmalarda eşlävçelär, Yevropa informatsiä üzäkläre, bu komapkt disk üz eşlärendä yardämçe bulır digän näticägä kilgännärder. Ber oçraqta yäş ber keşe sävdä palatasınıñ ber ciinında taratu öçen 150 kopiä soradı. Bez älbättä, Yevropadağı salım tülävçelär xisabına andıy sanda disk birä almıybız."

Şul säbäple Şura disknı satuğa çığarırğa bulde. Medianı bigeräk tä hip-hop häm trans versiäse qızıqsındıra. Alarnıñ ikesen dä nemets başqaruçısı Florian Muller äzerlägän. Trans versiäsen tıñlıyıq.

Audio

Mullerneñ süzlärençä,

Audio

"Yevropa Şurası Yevropa gimnı diskın min dä ağza bulğan Germaniädäge Waterpipe Rekords şirkätendä çığaruğa äzerlängändä, yäşlär öçen hip-hop versiäsen dä telävlären äytte. Min Yevropa taraftarı häm Beethoven muzıykasın da yaratam . Şul säbäplre min eşli alam dip äyttem"

Audio

Tekstnıñ ber öleşe yaqınca şulay yanğırıy.

Millätlärgä solıx Bez barıbız duslar Ber kön ber bulaçaqbız. Ul mängelekkä bulaçaq Bez inde 50 yıldan artıq Ber bulıp tordıq. İñ dulqınlandırğanı Bez yaña ğına başladıq. Şillerden alıp Bethovenğa çaqlı Minnän alığız Bez ber Yevropa Ber Ğailä

Monıñ eçtälege ğadättä hip-hoplarnıñ temasınnan ayırıla. Ğadättä anda süz aqça, xatın-qız häm köç qullanu turıda bara. Muller Yevropa Berelege turında rap yazunı qıyın tapqanmı soñ

Audio

"Ber dä qıyın bulmadı. Min Gettodan kilmim. Maşina, aqşa, qızlar minem tormışıma turı kilmi. Mİn yaxşı mohittä säyäsi, zialı häm fälsäfi uylanular belän üstem. Hip-Hopnıñ seks turında buluı ğına şart tügel. Minemcä, ul säyäsi bulırğa tieş. "

Älbättä, här kem dä bu disknı xupladı dip äytep bulmıy. Yevroskeptik Britan parlamentarı parlamentta şikayät tä belderde. Yevropa mäsäläläre buyınça Britan ministere Denis Mac Şayn monı aqçanı israf itü dip tä bäyäläde. Läkin, Şura süzçese Drakneñ fikerençä, 10 meñ Euro urnında sarıf itelgän

Audio

"Ul global fenomen buldı häm berebez dä monı kötmägän idek . Bez küz aldında totmağan iñ uñışlı PR qoralı eşläp çığardıq."

Britaniäneñ ul vaqıttağı tışqı eşlär ministere Ernest Bevin 1949-nçe yılda Yevropa Şurası turındağı kileşügä imza itü tantanasında bu kileşü Yevropa tormışında ömetle yaña nigez salu bulır digän fiker beldergän ide.

Audio

Färit İdelle. Praga.

бәйле язмалар

XS
SM
MD
LG