Accessibility links

пәнҗешәмбе, 8 декабрь 2016, Казан вакыты 23:01

AQŞta möxit saqlawçilar Bush üze äytkän qädär "yäşel" tügel digän qaraşta


G.Bush yañadan saylanu öçen alıp barğan kampaniäne tik Ğıraq häm Äfganstandağı xärbi eşçänleklärgä genä nigezlämi , kiçä ütkärelgän ''Dönya Köne 2004'' uñayınnan ul administratsiäneñ tabiğıy möhitkä birgän ähämiät turında söyläp,Amerikanıñ sazlıqların saqlap qalu turında yaña inisiativa başlatuın belderde. Ämma prezidentnı tänqitläwçelär, anıñ bu ölkädä maqtanırlıq eşçänlege yuq dip belderä.

Prezident Bush kiçä änise Barbara belän Mainedäge tabiğıy tıyulıqta buldı. Ul sazlıq tiräsendä yörep çıqqannan soñ, ildäge şundıy sazlıqlarnı saqlau turındağı planın açıqladı. Bush Dönya Köne mondıy inisiativanı iğlan itü öçen döres waqıt dide(audio)Bush Dönya Köne bezgä tabiğıy baylıqlarnı büläk itep kenä qabul itä almıyaçağıbıznı xäterlätä.Dönya köne miña, sezgä dä şulaydır dip ömed itäm – bezneñ tabiğatne saqlaw xätta anı yaxşırtu cawaplılığıbız buluın añlata dip äytte. Prezident 5 yıllıq plan 3 million sutı sazlıqnı, andağı qırğıy xäyvan, üsemleklärne saqlağan kebek, balıqçı auçılar öçen yal itü urını buldıraçaq dide. AQŞ xökümäte farazlarına qarağanda Amerika ütkändäge täräqiät çorında häm hava pıçranuı säbäple yılına 100meñ sutı sazlıq yuğaltqan. Sonğı yıllarda bu san 58meñ sutığa kimegän.Bush yaña inisitaiva belän bu sannı tağı da kimetäçägen belderde. Prezident süzlärençä(audio) minem administratsiä sonğı distä yıldağı hava pıçranuına qarşı in möhim qanunnarnı ğämälgä kertte. Bezneñ säyäsät zararlı gazlarnı , taşlandıq, ağulı industriä urınnarın çistarttı,yılğalarğa ağıp çıqqan fosfornı kimette.2001nçe yıldan birle Amerikada cir, hava häm su sıyfatı yaxşırdı. Prezident ekologie turında borçılıp söyläsä dä, anıñ tänqitläwçelär , Bush säyäsäte äylänä tirägä doşmannarça mönäsbät kürsätä di .alar Bush prezident Clinton alğan yünäleşne üzgärtep,AQŞnıñ Kyoto protokolına qul quymayaçağın belderde dip äytä.97-nçe yılğı bu kileşü illärne global cılınuğa säbäp bulğan kümer gazın kimetergä çaqıra . AQŞnıñ Kyoto kileşüen ratifikatsiälämäwe , anıñ ähämiäten kimette G:Bush kileşü ul çaqta resetsiägä kerep barğan amerikan ekonomikasına zarar kiterä ala digän argument belän protokolne senatqa cibermäde. Küzätüçelär, zäğif iqtisad anıñ yañadan saylanu şansın kimeter dip äytä.Ämma prezidentnı tänqitläwçelär, G.Bush anı häm respublikan partiäsen yaqlağan tirä yünne pıçratqan zur bizenesqa bik yaqın tora dip belderä. Bu ğäyepläw demokratlarnıñ prezident namzäte bulaçaq dip kötelgän Kerryneñ televidiniädäge saylaw aldı reklamasında da çağıla.(audio)G.Bush pıçratuçı şirkätlärgä bezneñ äylänä-tirä qanunnarın yañadan yazarğa mömkinlek birä. Ul çista hava, häm su qanunnarın köçtän çığarıp, Arktikada qırğıy tormış poçmağında neft ezlärgä teli.Ämma sez añı tuqtata alasız. John Karrynıñ saylanuına yardäm itegez häm tabiğıy möhit öçen köräşkä quşılığız. Kiçä G.Bush Maine-dä çığış yasağanda , opozitsiädäge demokratlar senator Barbara Boxer citäklägän cıyın ütkärde. Boxer Bushnıñ ekologiä öçen tırışlıq kürsätäm digän süzlären kire qağıp(audio) Prezident Bush berençe könnnän başlap, cämäğätçelekneñ sälämätlegen saqlaw häm tirä yün turındağı 350 dän artıq qanun häm qağıydäne yuqqa çığardı xalıq bik küp oçraqlarda närsä buluın da añlamadı .Senator 3 yılda 350 qanun häm qağydäne yuqqa çığaru mömkin dip sorawçlarğa , min sezgä ul isemlekne kürsätü öçen monda kildem dip äytte häm bik waq xäreflär belän 20m ozınlığındağı käğäzne cäyep cibärde.Anda Bush kire qaqqan tabiğatnı saqlaw qağıydäläre, çista hava , çista su aktlarına kertelgän üzgäreşlär yazılğan ide.Bolarnıñ bersenä genä kertelgän üzgäreş borçıluğa säbäp bula ä Bush 350sen köçtän çığardı dip äytte demokrat senator B. Boxer

färidä xämit,praga
XS
SM
MD
LG