Accessibility links

якшәмбе, 4 декабрь 2016, Казан вакыты 02:51

Latviä ber rus diplomatın şpionlıqta ğäyepläp ildän çığarılıp cibärä


Latviä tışqı eşlär ministrlığı süzçese Dagniya Stukena Associated Press agentlığına NATOnıñ xärbi infrastrukturası turında mäğlümät tabarğa tırışqan, iseme atalmağan ber Rusiä diplomatınıñ ildän çığarılıp cibäreläçägen belderde. Stukena äytüençä Rusiäneñ Latviädäge ilçese İgor' Studennikovnı Latviä tışqı eşlär ministrlığına çaqırğannar häm ğäyeplänüçe diplomatnıñ 72 säğät eçendä Latviädän çığıp kitüen taläp itkännär. Rusiä tışqı eşlär ministrlığı bu Latviädäge xäzerge citäkçelek alıp barğan Rusiägä qarşı säyäsätkä turı kilüçe provokativ adım dip belderde häm Rusiä yağınnan da şundıy uq adımnar belän yanadı. Fevral' ayında Litva şpionlıqta ğäyeplänüçe 3 rus diplomatın ildän çığarıp cibärgän ide. Mart ayında Estoniä dä 2 rus diplomatın şpoionlıqta ğäyepläp çığarıp cibärde. Latviä, Litva häm Estoniä Mart axırında NATOğa quşıldı. 1-nçe maydan alar Yewropa Berlegenä dä quşılaçaq.

XS
SM
MD
LG