Accessibility links

шимбә, 3 декабрь 2016, Казан вакыты 16:58

Kiprda utrawnı berläşterügä bağışlanğan referendum


Bügen Kiprda utrawnı berläşterü mäsäläsenä bağışlanğan referendum ütä. Tawış birü näticäläre Yevropa Berlegeneñ çiklären bilgeliäçäk. Fiker beleşügä qarağanda greklar BMO täqdim itkän berläşü planın kire qağır dip kötelä. Şulay bulsa, Maynıñ 1-ndä Yevropa Berlegenä utrawnıñ grek öleşe genä keräçäk. Kipr törekläre citäkçese Räüf Denktaş, planğa üze qarşı bulsa da, töreklärneñ kübese anı xuplar dip kötelä. Bügen tawışın birgännän soñ Denktaş bolay dide:

Audio (Räüf Denktaş)

"Yevropanıñ üzendä bu mömkin tügel, çönki andağı xalıqnı mädäniätle dip sanıylar. Bezgä, Kipr keşelärenä, başqaça qaraş. Bezne kimsetep, tipkäläp bula, närsä eşlärgä kirägen äytep bula. Bezgä närsä kirägen bez üzebez belmibez. Monı Quşma Ştatlar, Britaniä, Yevropa Berlege yaxşıraq belä. Näticädä, ägär ike taraf ta "äye" dip tawış birsä, bar mäsälädä köräş däwam itäçäk."

Kipr grekları prezidentı Tassos Papadopulos, planğa qarşı bulsa da, näticälär nindi genä bulmasın, utrawnıñ grek häm törek öleşläre alğa taba bergä baraçaq, dip belderde.

XS
SM
MD
LG