Bügen Ukraina, Belorusiä, Moldova häm Rusiädä, Çernobıl atom elektrstansiäsendäge qazanıñ 18 yıllığına bağışlanğan mätäm çaraları ütte. Mäskäwdä Federal atom xezmäten tikşerü binası yanında, Greenpeace ekologiä oyışması piket ütkärde. Alar, bügenge könneñ iminlek qäğidälärenä turı kilmi torğan reaktor tözeleşlären tuqtawnı taläp itte. 1986 yılda, Çernobıl atom elektrstansiäseneñ dürtençe bloğında şartlaw näticäsendä, öç million keşe yäşägän cirlär nurlanış belän zararlandı. Ul qaza eşendä qatnaşqan yözlärçä keşe hälaq buldı, meñnärçäse awıru bulıp qaldı.
