Accessibility links

шимбә, 3 декабрь 2016, Казан вакыты 18:48

Jordaniädä Al-Qaeda planlağan terror ğämälen tuqtatu mömkin bulğan


Yordaniä, Ammanda 10-ar meñlägän keşene üterüne planlağan Al-Qaedanıñ süz berläşterüen faş itkän buluın belderde. Ammandağı AQŞ ilçelegen, premier-ministerlek urnaşqan binanı häm yäşeren politsiäneñ binasın şartlatu planlanğan.

Bolar xaqında kiçä Yordan televideniäsendä kürsätelgän 20 minutlıq programada äytelgän. Yordaniä yaqınça ber ay elek ük süz berläşterüneñ faş itelgän buluın xäbär itkän ide. Läkin, bu xaqta berençe märtäbä televideniä programmasında täfsille mäğlümät birelde. Süz berläşteruçelärneñ başlığı dip belderelgän Azmi-al-Cayusi, al Zargawinı berençe märtäbä Afanistanda oçratqan buluın eytte. Al Zargawi uzğan Şimbädä Ğıraqnıñ Persiä qultığındağı nefte terminalına höcümne oyıştırğan buluda şiklänelä. Ul AQŞnñ terriristlar isemlegendä tora häm anı totuğa yardäm itkän şäxeskä 10 milion dolar birü väğdä itelä. Al Cayusi televideniädä tapşırılğan tasmağa töşerelgän programada bolay digän.

Audio

"Bez Abu Musab Al Zargavi öçen şartlatqıçlar häm ağular mäsäläsendä yuşarı däräcädäge kurstan üttek. Min aña şartsız turılıqlı idem. Şunnan soñ Afşanistan cimerelde häm min al Zargawi belän yañadan Ğıraqta oçraştım."

Al Zargavi aña ximik maddälär tutırılğan yök maşinaları belän höcümnär oyıştıru öçen 170 meñ dollar birgän bulğan. Al Cayuzi ul aqçanıñ ber öleşen 20 tonna ximik maddä alır öçen sarıf itkän

Audio

"Şunnan soñ min häm köräştäşem şartatqıçlar eşläp çığaru öçen kiräk bulğan ximik maddälär häm höcüm obyektları turında mäğlümät cia başladıq. Min ximik maddälär eşläp çığaruçı şirkätlär ezli başladım . Bu şirkätlärdän küpläp kiräk bulğan maddälärne satıp alaldım."

Al Cayusi häm tağı da öç şikle şäxes ber ay elek qulğa alınğannar ide. Tağı da dürt şikle şäxes uzğan atnada Ammanda militisä belän bäreleşülär vaqıtında üterelgän bulğan. Höcümnär oyıştırılğan xäldä 80 meñgä qädäre keşeneñ hälak buluı ixtimal ide dip belderelä. Läkin, CNNnıñ AQŞ küzläv oyışması çığanaqlarına tayanıp xäbär itüenä qarağanda, tabılğan ximik maddälärneñ andıy ağulı bolıt xasıyl itä aluı şikle ikän. Şulay da alar köçle şartlauğa kiterä ala. Totılğan şikle şäxeslär östennn xökem protsesınıñ qayçan ütkäreläçäge belderelmi. Qulğa alınğannarnıñ cinayätlären iqrar itülären xökem protsesınnan alda iğlan itü Yordaniä öçen ğadäti küreneş tügel. Qayber media çığanaqları bölkim bu, Yordaniädä terror qurqınıçı digän bulıp iminlek çaraları nığıtıla digän tänqitkä cavap birü öçen eşlängänder digän fiker belderälär.

Färit İdelle, Praga.
XS
SM
MD
LG