Accessibility links

шимбә, 3 декабрь 2016, Казан вакыты 22:58

Räsmi xäbärlärgä küzätü.


Tatarstan xökümäteneñ sişämbe brifinglıysınıñ töp öleşe pensiä reformasınıñ barışına bağışlandı. Küçeş çorında pensiälär bilgeläw iñ qatlawlı mäs’älägä äylände. Bazar mönäsäbätläre şartlarında ölkän buın iñ awır xäldä qaldı. Ğömere buyı ömetlänep eşlägän zur pensiälär nasıyp bulmadı. Pensiäne isäpläw tärtibe ber-niçä basma bittän torğan fänni xezmät täşkil itte. Anı pensionerlar ğına tügel mäxsüs belemle xezmätkärlär dä añlamıy başladılar. Şähärlärdäge häm rayonnardağı pensiä fondı oyışmalarında añlaşırğa kilgän pensionerlar könnär buyı çirat tora başladılar. 2002 yılda pensiä reformasınıñ çirattağı borılışı başlandı. Pensiä bilgeläwçe häm bülüçe oyışmalarına möräcäğät itüçe xalıq sanı bermä ber arttı. Xäzer sorawlar belän möräcäğät itüçelärgä yäşlär östälde dide brifingta Rusiä Federatsiäse Pensiä fondınıñ Tatarstan bülege başlığı Ayrat Şäfiğullin. Pensiäne öçkä bülep anıñ ber öleşen –straxovka –yäğni eşlägän çorda tüläp barıla torğan iminiät' fondı itep yasağaç pensiäneñ kiläçäge belän qızıqsınuçı ölkän buınğa yäş buın da östälgän. Bu armiäne ütkärü öçen kordinal' çaralar kürergä turı kilgän. Tatarstanda Pensiä fondı bülegendä klient xezmäte texnologiäse buldırılğan. Başta pensiä imäs’äläläre belän kilgän keşelärne ayırım belgeçlär qabul itä. Başqa ber belgeçlär ayırım ber waqıtta tikşergännän soñ quyılğan mäs'älä buyınça yuridik nigezlängän qarar çığara häm ul totqarsızlıq klientqa citkerelä. Klient xezmäte öçen komfortlı şarlarda tudırılğan-tirläp peşep ayaqtan cığılğança çirat torası yuq ikän. Klient xezmäte texnologiäse effektlı kilep çıqqan. Xäzer anı Rusiä külämendä taratırğa xäl itkännär. Monnan tış Pensiä fondı bülege internetta www.pfrrt.ru säxifäse buldırğan. Tizdän Pensiä fondınıñ Tatarstan bülegeneñ qaynar telefon liniäse dä eşli başlayaçaq.

Yunıs Ätnäle.

XS
SM
MD
LG