Bügen Mäskäwneñ şähär mäxkämäse, çığışı belän Tönyaq Kavkazdan bulğan 4 keşene törle waqıtqa iregennän mäxrüm itü turında qarar çığardı. Alar 2002 yılnıñ üktäberendä Mäskäwneñ könyaq-könbatışındağı McDonald's yanında şartlaw oyıştıruda gäyeplänä. Tikşerü waqıtında gäyeplänüçelär üzlären öleşçä gäyeple dip tanığan ide. Läkin mäxkämädä, gäyeple dip, basım astında tanırğa mäcbür itelgännären belderde. McDonald's yanındağı şartlawda ber keşe hälaq bulğan, sigez keşe yaralanğan ide.
