Accessibility links

шимбә, 10 декабрь 2016, Казан вакыты 06:14

Amerika Tatarstanda xoquqı cämğiät tözärgä yärdäm itärgä teli


Amerikanıñ Rusiädäge ilçelege Qazanda maxsus konferensiä ütkärep, Tatarstan watandaşların da Amerikanıñ xoquq yaqlawda bulğan täcribäse belän tanıştırırğa uylağan. Amerika ilçelege Tatarstanda öç proyekt alıp bara. Alarnıñ ikese - SPİD taraluına qarşı toru häm keşe eşmäkärlekne üsterü bulsa, watandaşlıq cämğiäten tözü – öçençese yünäleş bulıp tora. Amerika birgän grant aqçalarına ictimaği eş belän şöğellänüçe oyışmalar Tatarstanda da, başqa Rusiä ölkälärendä dä baytaq. Amerika ilçelegeñ «töbäk initsiativası» isemle programması Qazannan irtäräk eşli başlağan. Şuña watandaşlar cämğiäten tözü mäs’älälärenä bağışlanğan älege konferensiäne Samar ictimaği oyışmaları oyıştırdı. Açılu tantanasında Amerika ilçelegeneñ berençe särkätibe Jeffry A. Wandrille çığış yasadı häm Tatarstandağı aktiv oyışmalarğa yärdäm itü teläge buluın añlattı.

Amerika ilçelege «Töbäk initsiativası» programmasına Tatarstan da quşılıp kitär, dip ömetlänä. Tögälräk äytkändä, Tatarstanda Amerikadan grantlar alıp, berniçä xoquq saqlaw oyışması eşli inde. Läkin watandaşlıq cämğiäten tözü yünäleşendä Tatarstan, aldınğı däwlätlär arasında tügel ikän. «Azatlıq» radiosı xäbärçese, Amerika ilçelegeneñ berençe särkätibennän, latin imlası tiräsendäge xällärgä keşe xoquqları küzlegennän çığıp, bäyä birüne soradı. Jeffry A. Wandrille äfände,bäyä birergä xaqı bulmawın añlattı, ämma, mondağı keşelärne ul äyber borçıy ikän, ictimaği eş alıp barırğa, bez yärdäm itä alabız dide.

Älege konferensiädä invalidlar mäs’äläsen xäl itü, watandaşlıq cämğiäte häm mäğärif, xatın qıznıñ role kebek seksiälär eşläde. Xatın-qızlar mäs’äläsenä bağışlanğan öleştä keşelär belän satu itü probleması, xatın-qız oyışmalarınıñ berläşep eşläw mäs’äläläre qaraldı. Mäsälän İctimaği innovatsiä fondı wäkile Marina Galitskaya, Tatarstan xatın-qızların çit illärgä qollıqqa satıp cibärelälär, digän temağa notıq uqıdı. Anıñ süzlärençä, keşelär, çit il şirkätlärenä urnaşıp küp aqça eşlärbez, üz teläkläre belän genä kitmilär. Monda burıçqa batıp, çit ilgä qollıqqa satılıp cibärelgän xatın-qızlar da bulğan. Mäsälän, Qazannıñ Mäskäw bazarında eşläwçe satuçı-qız şundıy xälgä toşkän. Älege oyışma andıy xatın-qızlarğa yärdäm itärğä tırışa. Ämma bu temanı kütärep çıqqan Marina xanım Galitskaya fikerençä, möselman respublikası bulğanğa kürä, Tatarstanda bu xaqtağı süzlär yomılıp qala. Bu fiker belän başqa ictimaği oyışma wäkilläre kileşmäde, beraz bäxäs dä çığıp aldı. Soñınnan, törle yünäleştä eşläwçe ictimaği oyışmalar, üzara xezmättäşlek turında kileşte.

Bikä Timerova.

XS
SM
MD
LG