Accessibility links

якшәмбе, 11 декабрь 2016, Казан вакыты 09:20

Senat komitetında Ğıraqqa ilçe itep täqdim itelgän J.Negroponte turında tıñlawlar ütte


AQŞları yaqınça 2 aydan soñ xakimiätne Ğıraqnıñ bilgelänäçäk yaña xökümätenä tapşırunı planlaştıra.Bu inde Bagdadtağı älege sivil administratsiä taratılçaq häm anda AQŞ ilçese bilgelänäçäk digän süz bulıp tora. 30nçe iyünnän soñ Ğıraq tulısınça süverenme bulaçaq? Kiçä Senatnıñ Tışqı Mönäsäbätlär Komitetında ütkärelgän tıñlawlarda Ğıraqqa ilçe itep täqdim itelgän J:Negroponte närsälär söyläde?

Sişämbedä Senatnıñ Tışqı Mönäsäbätlär Komitetında G.Bushnıñ Saddamnan sonğı Ğıraqqa ilçe itep täğdim itkän J.Negroponte turında tıñlawlar başlandı.Anda 30çe iyünnän soñ Ğıraqnıñ suverenlege töp mäsälä bulıp tora.Yäkşämbedä Däwlät sekretarı C:Powell Ğıraqta bilgelänäçäk yaña xökümät , AQŞ xärbiläreneñ iminlekne tämin itüe öçen wäqälätläreneñ ber öleşennän wazkiçergä tieş bulaçaq dip äytte.Däwlät Departamentı räsmie çiklängän möstäqilleq digän fraza qullandı. Komitettağı senatorlarnıñ berse respublikan Chuck Hagel bigräktä yaña waqıtlı xökümät Fallucadağı kebek 3 atna däwam itkän ğıysyan aldında qalsa, anıñ täsire küpme bulır digän soraw belän Negropontege möräcäğät itte. Negroponte Powellneñ komentarın çağıldırıp tağı bolay dip östäde (audio) Ğıraqlılar iminlek ölkäsendä wäqälätlären tulısınça qullanaçaq xäldä tügel.Min Ğıraqnıñ bilgelänäçäk suveren xökümäteneñ cawaplılıqların kimetäçäk ber nindi dä bilgilemä qullanırğa telämim . Negroponte Fallucadağı kebek qorallı bäreleşlärdä Ğıraqnıñ yaña xökümäteneñ citäkçel rol uynawı öçen waqıt bik irtä dip tä äytte. Senat komitetınıñ citäkçese res.senator Richard Lugar Negroponteneñ tizlektä raslanıp ilçelekneñ 1-nçe iyüldän başlap eşlären şoma ğına alıp baruı möhim dip äytep(audio) bez30-nçe iyündä ilçelektä utlarnı yandırıp här närsä uñışlı barır dip kötä almıybız. Bez Ğıraq xakimiätläre wä koalitsiä partnörları belän qararlar niçek qabul iteläçäk başqarma xakimiät niçek ğämälgä quyılaçaq digän mäsälädä aldan kiñäşläşergä tieş.Şunlıqatn ilçe Negroponte häm anıñ törkemeneñ mömkin bulğan qädär irtä urnaşqan buluı möhim. Negroponte Lugar belän kileşep ,waqıtlı Ğıraq xökümäteneñ kemnärdän toraçağın aldan belü şulayuq möhim , 1nçe iyüldän äwälleräk misal öçen iyün başlarında uq xökümät äzer bulsa ul 1nçe iyüldän şunduq eşkä başlar , cawaplılıqnı alır dip söyläde. Älegä BMOda AQŞ ilçese bulıp torğan Negroponte başqa illärneñ AQŞqa yardım öçen BMO qaramağında xärbilär cibärüe bik möhim häm min iminlek şurasında andıy rezolutsiäneñ ütüe öçen nıq tırışılq alıp baram dip östäde. Demokrat senator Joseph Biden anıñ belän kileşep bolay dip däwam itte (audio) Ni öçen beräw bezgä yardäm itergä teläsen . Alar bezneñ eşlägän eşne yaratmadı, Bez saylağan yulnı, şulayuq äle barğan suqmaqnı da yaratmi. Ni öçen alar yardämgä kilsen.Sez BMOda eşlisez häm här kemnän yaxıraq anlıysız: Alar Ğıraqta yäki başqa urında watandaşlar suğışı başlanuın kürergä telämi. Filipin,Meksiko, Hondurasta ilçe bulıp torğan j.Negroponte täscribäle diplomat. UL Hondurasta ilçe bulğanda, Reagan administratsiäse Nikaraguada marksisit xökümätkä qarşı suğışqan ğıysyançılarnı yaqladı.Sişämbedäge tıñlawlarda demokrat senator Chritopher Dodd menä şul ütkändäge waqıyğälärgä işarä itep ,ilçe bularaq Negroponte Ğıraqtağı wazğıät turında amerikan xalqına açıq ,döres mäğlümät birergä tieş dide . Dodd süzlärençä(audio) Negroponte 80nçe yıllarda Hondurasta ilçe bulıp xezmät itkändä minem belän anıñ arasında fiker ayırmalıqları bar ide. Bu fiker ayırmalığına AQŞnıñ üzäk Amerikada ul çaqtağı konfliktta närsä eşläwe häm eşlämäwe turında açıqlıq bulmawı säbäp buldı .Min tawış birgändä Negropontene nıq yaqlayaçaqmım ämma ber mäsäläne açıqlarğa telim: minem qaraşınça Ğıraqta AQŞ säyäsäten yaqlawnı däwam itterü öçen açıqlıq bik möhim bulaçaq . Dodd AQŞnıñ Ğıraqtağı yünäleşe xatalı bulsa, anı tizlektä tözätü öçen prezident Bush häm amerika xalqına şunduq belderü Negroponteneñ cawaplılıqı bulıp tora dide .

färidä xämit,praga
XS
SM
MD
LG