Berläşkän Millätlärneñ maxsus wäkile fikerençä, waqıt bik çiklängän buluğa häm iminlek wäzğiateneñ qatlawlı bulıp qaluına qaramastan, Ğiraqnıñ waqıtlı xökümäte inde kiläse ay azağına qädär ük tözelä ala. Üzeneñ şul xökümätne niçegräk itep kürüe xaqında Braximi täfsille mäğlümat birmäsä dä, anı räis häm anıñ ike urınbasarı citäkli ala dip belderde. Ul şulay uq, xökümät äğzaları itep, amerikannar, Ğiraqnıñ waqıtlı idarä şurası häm Berläşkän Millätlär belän kiñäşläşkännän soñ ilneñ abruylı häm möxtäräm keşeläre bilgelänä ala dip isäpli. Şuşı waqıtlı xökümätneñ iñ täwge burıçlarınnan berse bulıp, xäzer ildä üz ğäskärlären totqan illär belän kiläçäk mönäsäbätlärne niçek qoru yulların bilgeläw tora di Laxdar Braximi.
Audio, Laxdar Braximi
"Xökümätne tizräk qorunıñ yaxşı yaqlarınnan berse itep min anıñ ildäge çit il ğäskärläre häm Berläşkän Millätlär Oyışması belän, xakimiatneñ 30-nçı yünnän soñ niçek ğämälgä quyılaçağı xaqında söyläşülär başlawı öçen kübräk waqıtı buluın küräm" dip añlata Braximi Ğiraqta küçeş çorı xökümäten mömkin qädär tizräk tözü kiräklegen. Läkin ildä yaña xakimiat qoru monıñ belän genä çiklänmäskä tieş di Braximi İminlek Şurasına. Ğiraqta qanuni, yäğni legitim ber xakimiat urnaşıru bik möhim. Moña niçek ireşü yulın ul bolayraq kürä - anıñ Ğiraqqa yasağan elekke säfärläre barışında andağı cämäğätçelek, ildäge bar qatlamnarnı da wäkillek itkän yaqınça meñläp kürenekle äheldän mäcles cıyunı xup kürüen beldergän bulğan. Monı ğämälgä quyu öçen Laxdar Braximi maxsus oyıştıru xäyäten buldırunı täqdim itä, ul üz eşen inde xäzerdän ük başlarğa tieş bulaçaq. Mäcles utırışları yüldä uk açılıp Ğiraqta bar il külämendä dialog başlaw zarur di Berläşkän Millätlärneñ maxsus wäkile.
Audio, Laxdar Braximi
"Eşne başlap cibärü öçen älege mäcles il xalqına üzeneñ ärnüle ütkäne häm berük waqıtta kiläçäge xaqında da fiker alışuı öçen Ğiraq cämğiaten mömkin qädär kiñräk wäkillek itkän ber ürnäk cıyılma bulırğa tieş" dip añlata üz planın Braximi. Waqıtlı xakimiat yıraq kiläçäkkä qarağan qararlar qabul itmiçä genä, bu eşne kiläse ğinwarda saylanır dip kötelgän çın xökümätkä qaldırırğa tieş bulaçaq di BMO wäkile. Ul tizdän yänä Ğiraqqa qaytıp, üzeneñ andağı aradaşlığın däwam itärgä cıyına. Tizdän Bagdadta yaña amerikan ilçese bulıp eşliäçäk John Negraponte senatnıñ tışqı eşlär komitetında uzğan tıñlawlarda, Washingtonnıñ Braximi tırışlıqların yaqlawın belderde häm anıñ Ğiraqta yaña xakimiat buldıruğa kertkän öleşen bik yuğarı bäyäläde.
Audio, John Negraponte
"Bez ilçe Braximi tırışlıqların çın küñeldän xuplıybız häm, minemçä bez, anıñ täqdimnären tağın da nığıtu öçen bar närsäne dä eşliäçäkbez" dip belderä yaña ğına Bagdadqa Quşma Ştatlar ilçese itep bilgelängän John Negraponte.
Kärim Kamal, Praga
Audio, Laxdar Braximi
"Xökümätne tizräk qorunıñ yaxşı yaqlarınnan berse itep min anıñ ildäge çit il ğäskärläre häm Berläşkän Millätlär Oyışması belän, xakimiatneñ 30-nçı yünnän soñ niçek ğämälgä quyılaçağı xaqında söyläşülär başlawı öçen kübräk waqıtı buluın küräm" dip añlata Braximi Ğiraqta küçeş çorı xökümäten mömkin qädär tizräk tözü kiräklegen. Läkin ildä yaña xakimiat qoru monıñ belän genä çiklänmäskä tieş di Braximi İminlek Şurasına. Ğiraqta qanuni, yäğni legitim ber xakimiat urnaşıru bik möhim. Moña niçek ireşü yulın ul bolayraq kürä - anıñ Ğiraqqa yasağan elekke säfärläre barışında andağı cämäğätçelek, ildäge bar qatlamnarnı da wäkillek itkän yaqınça meñläp kürenekle äheldän mäcles cıyunı xup kürüen beldergän bulğan. Monı ğämälgä quyu öçen Laxdar Braximi maxsus oyıştıru xäyäten buldırunı täqdim itä, ul üz eşen inde xäzerdän ük başlarğa tieş bulaçaq. Mäcles utırışları yüldä uk açılıp Ğiraqta bar il külämendä dialog başlaw zarur di Berläşkän Millätlärneñ maxsus wäkile.
Audio, Laxdar Braximi
"Eşne başlap cibärü öçen älege mäcles il xalqına üzeneñ ärnüle ütkäne häm berük waqıtta kiläçäge xaqında da fiker alışuı öçen Ğiraq cämğiaten mömkin qädär kiñräk wäkillek itkän ber ürnäk cıyılma bulırğa tieş" dip añlata üz planın Braximi. Waqıtlı xakimiat yıraq kiläçäkkä qarağan qararlar qabul itmiçä genä, bu eşne kiläse ğinwarda saylanır dip kötelgän çın xökümätkä qaldırırğa tieş bulaçaq di BMO wäkile. Ul tizdän yänä Ğiraqqa qaytıp, üzeneñ andağı aradaşlığın däwam itärgä cıyına. Tizdän Bagdadta yaña amerikan ilçese bulıp eşliäçäk John Negraponte senatnıñ tışqı eşlär komitetında uzğan tıñlawlarda, Washingtonnıñ Braximi tırışlıqların yaqlawın belderde häm anıñ Ğiraqta yaña xakimiat buldıruğa kertkän öleşen bik yuğarı bäyäläde.
Audio, John Negraponte
"Bez ilçe Braximi tırışlıqların çın küñeldän xuplıybız häm, minemçä bez, anıñ täqdimnären tağın da nığıtu öçen bar närsäne dä eşliäçäkbez" dip belderä yaña ğına Bagdadqa Quşma Ştatlar ilçese itep bilgelängän John Negraponte.
Kärim Kamal, Praga