Accessibility links

якшәмбе, 4 декабрь 2016, Казан вакыты 23:33

Başqortstan Däwlät Cıyılışı deputatı Çallı başqortlarınıñ xäle turında söyläde?




Başqort milli oyışmaları Başqortstanda tatar mäktäpläreneñ beterelüe yäisä alarnıñ başqortlaştırıluı turındağı xäbärlärgä moñarçı üzläreneñ qarşı arğumentların kiterälär ide. İmeş, Tatarstanda yäşäwçe başqortlarnıñ balaları öçen başqort mäktäpläre açılmí, ä Başqortstanda 1 meñ çaması tatar mäktäbe eşläp kilä. Älege bäxäskä xäzer başqort säyäsätçeläre häm türäläre dä quşılıp kitte. Misal öçen, Başqortstan Däwlät Cíılışı deputatı Güzäl Sitdíqowa yaña ğına Tatarstannıñ Çallı şähärendä bulıp qaytqan ikän. Şuşı säfäre xaqında ul 30 äprel könne Başqortstan däwlät radíosınıñ «Moğtäbär söyläşü» isemle tapşıruında qatnaşıp, mäğlümatlar birde. Güzäl Sitdíqowa haman da ber balıq başın çäynäde, yänäse Tatarstanda, ayırım alğanda Çallıda yäşäwçe başqortlarnıñ başqort mäktäbe açunı sorap yazğan yözlärçä xatları iğtibarsız qaldırıla. «Şul uq waqıtta Başqortstanda meñnän artıq tatar mäktäbe eşli. Ufada başqa ber crdä dä bulmağança matur häm mähäbät «Nur» tatar teaterı binası tözelde, tatar tele statusın yaqlaw buyınça küp eşlär başqarıla», – dip tezep alıp kitte deputat xanım. Şulay itep Tatarstannı sügügä xäzer Başqortstannıñ yuğarı däräcäle türäläre häm deputatları da quşılıp kitte. Dimäk moña iñ östän fatíxa birelgän.

Fänis Fätxi, Ufa.

XS
SM
MD
LG