Accessibility links

җомга, 9 декабрь 2016, Казан вакыты 22:27

Qazannıñ mädäniät qazanı qaynap tora


Bu atna böyek şağirebez Ğabdulla Tuqaynıñ tuğan könenä bağışlanğan törle mädäni çaralar uzuı belän istä qaldı. Qazandağı teatrlarda, konsert zallarında şiğer, cır,moñ söyçe millättäşlär räxätlänep milli mädäniät, sänğät äsärlären tıñlıy aldılar. Alar turında bez sezgä söyläp işetterdek inde.Xäzer başqa çaralar xaqında.29 aprel'' könne Tatar qurçaq teatrında näni tamaşaçılar Mansur Ğiläcevnıñ «Qazan qissası» spektaklen qaradı.Şul uq könne Tatar yäş tamaşaçılar teatrı Rabit Batullanıñ «Saq-soq»spektaklen kürsätte, 30аpreldә isä Rabit Batullanıñ ''''Kiçer mine änkäy'''' spektakle Ğ.Qamal teatrınıñ keçe zalında bardı. Tatar yäş tamaşaçılar teatrında 30апрель könne Taci Ğizzätneñ «Qıyu qızlar» spektakle quyıldı.Ğ.Qamal isemendäge Tatar däwlät akademiä teatrınıñ zur säxnäsendä 30апрельдә Tufan Miñnullinnıñ «Şulay buldı şul..» lirik komediäsen tamaşaçı bik yaratıp qaradı. K.Tinçurin isemendäge tatar däwlät drama häm komediä teatrında Rädif Säğdineñ «Sınğan beläzek» melodraması kürsätelde.Ä Şalyäpin isemendäge kamera zalında Fedor Şalyäpinğa bağışlanğan konsert buldı. Räsim İl''yasov citäklägän « Qazan nurı» xalıq uyın qoralları orkestrı rus, ital''yan, tatar kompozitorlarınıñ äsärlären uynadı.Konsertta respublika xalıqara bäygelär laureatları Gölşat İmamieva häm Aydar Ğabdinov ta qatnaştı. Kiçädä Çaykovskiy, Brams, Xaçaturyan, Kulikova, Waxutinski, Paxmutova äsärläre belän berrättän F.Yarullin häm R.Yaxin äsärläre dä yañğıradı. Tatarstannıñ sınlı sänğät muzeenda «Mordoviä sänğäte» kürgäzmäse açıldı.Ul 23 mayğa qädär däwam itäçäk.Şunda uq älege Sınlı sänğät muzee fondınnan Lotfulla Fättäxov äsärlärennän torğan ekspozitsiä dä bik qızıqlı. Äle ul däwam itä.İntertat.ru agentlığı xäbär itüençä Qazannıñ «Ebivol''» galereyasendä «Könçığış bazarı» isemle kürgäzmä eşli. Ekspozitsiädä könçığış yefäkläre häm üzbäklärneñ milli kiemnären, dekorativ-ğamäli sänğät , zärkän bizänü äyberlären, balçıqtan yasalğan, şulay uq çigelgän eşlänmälärne kürergä bula. Älege ekspozitsiäne Sämärkandtan «Älfiä» galereyase alıp kilgän.Şulay uq bu könnärdä Ğ.Tuqay muzeenda «Ğ.Tuqay isemendäge däwlät büläge lawreatları», «Qırlay moñnarı», Ş.Qamal muzeenda Ğ.Äbsälämovqa bağışlanğan «Sünmäs utlar», M.Cälil muzey fatirında «Musada qunaqta» K.Nasiri muzeenda «Şihabetdin Märcäni häm Qayum Nasiri» isemle kürgäzmälär eşli. Mälikä Basıyr, Qazan.

XS
SM
MD
LG