Accessibility links

җомга, 9 декабрь 2016, Казан вакыты 08:55

Selet.biz häm Tuğan-tel.at.tt «Tatar dönyası» bäygesen başlap cibärde


Ütkän tapşırularnıñ bersendä, berniçä sayt xucası Şamil Biktaş «Sälät» fondı belän yaña proyekt başlawı xaqında äytkän ide. Xäzer bu proyekt turında tulıraq itep söylärgä mömkinlek tudı. Şul xaqta bu atnada «Tuğan-tel» saytında mäğlümatlar elende. Anda äytelgänçä, sayt xucaları häm «Sälät» fondı yäşläre bäxäsxanä bülegendä bäyge uzdıru turında kileşkännär.Anda tatar dönyasına qağılışlı sorawlar birelä. Qatnaşuçılardan döres cawap belän bergä, añlatma da yazu sorala. «Tatar dönyası» sorawlarına döres cawap birgän internetçılarğa «Sälät» fondı häm yäşlär üzäge büläklär bireläçäk. Ägär qızıqsınsağız adresnı qabtlıym: tuğan-tel.at.tt.Bäygeneñ bu öleşendä şundıy sorawlar birelä:

1.«Ğäliäbanu», «Zäñgär Şäl», «Başmağım», «Süngän yoldızlar», «Qazan sölgese» spektakl’läre belän bäyle kompozitorlarnıñ iseme?

2. Törki tellärgä xas bulğan suzıq awazlarnıñ ber-bersenä yaraqlaşuı niçek atala? 3. Tatarlarda islam dine niçänçe yılda häm qaysı xan waqıtında qabul itelgän? Cawaplarnı şuşı forumda yazıp qaldırırğa kiräk. Temanı Liliä isemle «Sälät» saytı wäkile alıp bara. Adreslarnı qabatlıym selet.biz häm tugan-tel.at.tt



Başqort yäşläre ciela torğan saytlarınıñ iñ populyarı «Yäşlek»gäziteneñ elektron säxifäse ikän. Yäşlek.ru saytında bu xaqta fiker soraştıru barğan. Tawış birgän 22 keşeneñ 8-ze şuşı «Yäşlek» saytına kerep yöri ikän, 6-sı, daimi räweştä, baymaq.narod.ru saytın uqıp bara. Qalğan başqa saytlarga berär genä keşe kergän, yä bötenläy qarawçı bulmağan. «Yäşlek» gäzite yazğança, bigräktä yäşlärneñ başqort çatı cälep itä. Häm anda Ufadan ğına tügel, Seber, Kazaxstannan da internet yaratuçılar kerep yöri. Älege çatqa min dä kerep qaradım. Söyläşü, urıs, tatar häm başqort telärendä bardı. «Yäşlek» saytında şulay uq, tanışular säxifäse häm fotoal’bom kebek büleklärne tabıp bula. Başqort saytlarında milli muzıkağa şaqtıy urın birelä.

Bikä Timerova.

XS
SM
MD
LG