Bügen Londonda BMO, Yevropa berlege, AQŞ häm Rusiä wäkilläre, Yaqın Könçışta wazgiätne cayğa salır öçen tözelgän xalıqara “yul xaritası” digän plannı tikşü öçen oçraşa. Şuşı uq mäsäläne tikşerü 4 mayda yuğarıraq basqıçta, Berläşkän Millätlär Oyışması sekretare Kofi Annan räislegendä New Yorkta ütäçäk. İzrail premier-ministrı Ariel Şaronnıñ ber yaqlı ğına, Ğaza sızığınnan yähüdi awılların çığaru planı Şaron üze citäklägän “Likud” partiäseneñ qayber äğzäläre şulay uq, fälästinnär tarafınnan da qatı tänqitkä totıldı. Yäkşämbegä partiä eçendä şuşı mäsälägä bağışlanğan referendum ütäçäk.
