Accessibility links

якшәмбе, 4 декабрь 2016, Казан вакыты 21:27

Söğüd Ğäräbstanınıñ eçke eşlär ministrlığı ğısyançılar Yanbu portında çit il keşelären üterde dip xäbär itte


Riyad. Söğüd Ğäräbstanınıñ eçke eşlär ministrlığı mäğlümatına qarağanda, ilneñ Qızıl diñgez yarındağı Yanbu portında bilgesez ğısyançılar bügen ber nefteximiä qorılmasına höcüm yasap anda berniçä çit il keşesen ütergän. Soñraq söğüd iminlek köçläre şul höcümçelärne ezärlekli başlap, alarnıñ öçesen yuq itkän, dürtençesen yaralağan. Sögüd başqalasındağı amerikan diplomatları üzläreneñ, hälak bulğan çit il keşeläreneñ Könbatıştan, şul isäptän Quşma Ştatlardan da buluı xaqında xäbär aluın äytä. Soñğı mäğlümatqa qarağanda anda ike amerikan watandaşı ülgän. Londondağı söğüd ilçese, qorbannar arasında britan, australiä häm söğüd keşeläre dä bar dip belderde. Soñğı aralarda Söğüd Ğäräbstanında islamçı ğısyançılarnıñ ildäge çit il keşelärenä höcümnäre arttı. Cäddädän 150 çaqrım tönyaqta yatqan Yanbu şähärendä älegä qädär andıy höcümnärneñ bulğanı yuq ide.

XS
SM
MD
LG