Paris. Fransiäneñ eçke eşlär ministrlığınnan ildän quwıp çığaru qararı alınğannan soñ politsiä bügen Paris mäçetendä eşlägän ber törke imamın qulğa aldı. Midxät Güler isemle şuşı ruxani Fransiäneñ İslam berläşmäse räise dä bulıp tora, xäzer ul fransuz başqalasınıñ xalıqara hawa alanı tiräsendä totıla dip xäbär itelä. Kiçä Fransiäneñ eşke eşlär ministrı Dominique de Villepin Möselman eşläre şurasın, ildä radikal' islamğa qarşı köräş ölkäsendä däwlät belän tığızraq xezmättäşlek itügä öndäde. Uzğan ayda Fransiä, irlär üzläreneñ zina qılğan xatınnarın qıynıy ala dip beldergän ber Aljir imamın inde ildän quwıp çığarğan ide.
