Ämma, iske programma qısalarında 2004 yılda 3856 meñ fatir tözeläçäk äle. Programma axır çitkä tuqtağançı, tuzğan toraqta ğömer kiçergän barlığı 7 meñ keşene fatirlı itärgä iteş. Xäyer äle tögäl san bilgele tügel, çönki xäzer, toraq fondı, real keşelär sanın, fatirlar sanı belän çağıştırıp yöri. Çönki, öçtän ber fatirlarnıñ yalğan yul belän çitkä kitüe açıqlanğan.
Tälğät Abdullinıñ äytüenä qarağanda, yaña «sotsial» ipoteka inde äzer bulsa da, üz säğäten kötep yata. Çönki, berençedän, ipotekağa qağılışlı federal qanunnar qabul itelgänçe, ul ğämälgä kermäyäçäk. İkençedän, tuzğan toraq programması çınlap ta tuqtağançı, ipotekanıñ «i» xärefen dä äytep bulmıy, çönki alarnıñ finans çığanaqları ber uq. Tälğät Abdullin añlatqança, Tatarstan yağı federal ipoteka programmasına byudjet aqçaların quşıp, fatir bäyäsen tağı da arzanaytırğa mömkin.Xätta, xäzerge kredit protsentların 7dän, 3-4 qädär töşerep bulmasmı, dip uylana tözüçelär. Şuşı sotsial ipoteka programması qısalarında tözelgän toraqnıñ bäyäse dä, bazarnıqına qarağanda tübänräk bulırğa tieş. 13 meñ tügel, ä kvadrat metrğa 9 meñ tiräsendä genä.
«Qayçan şirkätlär tuzğan toraq fondına aqça tüläwdän azat iteläçäk?», dip sorıy gäzit xäbärçese. Tälğät Abdullin:«Niçä yıl kiräk bulır, şul qädär waqıt tüläp torırlar!», dip cawap birä. Toraq fondı 2004 yılda şirkätlärdän barlığı 3 million yarım sum ciarga isäpläp tora.İpotekanıñ tuzğan toraq programmasınnan ayırması tağın şunda – şirkätlär genä tügel, här keşe, kommunal tüläwlärneñ ber öleşen şuşı programma xisabına birep barırğa tieş. Bu küçemsez milek öçen salım häm fatir mäydäna qarap birelä torğan tüläwlär xisabına başqarılırğa tieş. Citmäsä bu tariflar yaqın arada artırğa tieş.Toraq fondı citäkçese Tälğät Abdullin qırıs zamannarnıñ kilüen farazlıy. Fatirları öçen tüli almağan keşelär, toraqların keçeräklärgä, naçarraqlarğa alıştırırğa mäcbür bulaçaq. Buşlay fatirlar başqa bulmıy häm kreditlarnı tüläw öçen härkemgä üzenä tırışırğa turı kiläçäk.
Bikä Timerova.
