Accessibility links

шимбә, 3 декабрь 2016, Казан вакыты 09:52

Qazan Däwlät universitetınıñ astronomiä kafedrası ğalimnäre ay totılunı küzätte


Astronomiä- tögäl fän. Şuña ay totılu kebek küreneşneñ köne häm säğätläre aldan uq sanap quyılğan. Ul 4 mayda 22.48 minutta bulırğa tieş. Qazan däwlät universitetınıñ astronomiä kafedrası ğalimnäre bu waqiğanı iğtibardan çittä qaldıra almadı. Xätta, yal könnären qaldırıp, eşkä çıqtı, teleskopların äzerläde. Astronomiä kafedrasında ay totılu kebek küreneşne fänni yaqtan öyränüçe belgeçlär bulmasa da, ğällämdäge xällärgä bitaraflar yuq. Şuşı kafedra xezmätkäre Almaz äfände Ğälievnıñ äytüenä qarağanda, 22.48 minutta ayğa cirneñ küldägese töşä başlarğa tieş. 23.48 minutqa qädär cir külägäse aynı tulısı belän qaplap, şul kileş ber säğät tiräsendä torır, dip farazlana. Belgeçlär äytkänçä, näq şuşı minutlarda ay açıq itep kürenep, qıp-qızıl töskä kerergä tieş. Annan soñ, tönge berlärdä, cir külägäse küçä başlayaçaq häm ay açılıp, üzeneñ ğädäti räweşenä keräçäk. Ay totılu, barlığı, 4 säğät tiräse däwam itärgä mömkin.

Belgeçlär äytüençä, Qazanda, Tatarstanda ay totılunıñ yılğa ber niçä tapqır kürenüe, bik siräk bula torğan xäl. Şuşı bilgele ber çor uzğannan soñ, cir iärçenen külägä qaplaw dönyanıñ başqa urınnarında da kürenä başlayaçaq.

Ay totılunıñ ictimaği tormışqa tä’sire barlığın, astronomiä belgeçläre tanımıy. Astrologlar isä, başqaça uylıy. Köndälek astrologik farazlarda 4 häm 5 mayğa zur iğtibar birelgän. Kierenkelek arta, dielgän anda. Sälämätlekne saqlaw kiräklegenä basım yasala. Astrologiä, ay totulı kebek xikmätlärne, nindider yañarış ğälämäte belän bäyli.Niçek kenä bulmasın, 4 mayda Tatarstan keşelärenä, aynıñ qızıl töskä kergän çağın kürü mömkinlege belän faydalanıp qalırğa bula. Anıñ öçen maxsus cihazlar da kiräk tügel. Barı tik 12 tulğanda kükkä qaraw sorala. Ğalimnär äytkänçä, ägär tön bik bolıtlı bulmasa, ay ap-aqıq itep kürenergä tieş.

Bikä Timerova.

XS
SM
MD
LG