İran xoquqçıları, universitet professorı Xaşim Ağacariğa ülem qararın barı tik İrannıñ Yuğarı mäxkämäse genä çığarırğa mömkin dip belderä. 2002 yılnıñ noyaberendä Ağacari Allağa qarşı süzlär äytkäne öçen ülem cäzasına xökem itelgän. Ul üzeneñ çığışında İran möselmannarın dini liderlarğa suqırlarça iärmäskä çaqırğan. Sudyalarnıñ qararı Tähranda küp sanlı qarşılıq aqsiälärenä säbäp bulğan. Kiçä Xamedan wilayäte mäxkämäse Yuğarı mäxkämä taläbe belän Ağacariğa ülem xökemen köçendä qaldırdı.
