Accessibility links

дүшәмбе, 5 декабрь 2016, Казан вакыты 13:39

«Восточный экспресс» gäziteneñ baş möxärrire Räşit Ğällämov eş urınınnan kitte


Sovet zamannarında 5 mayda matbuğat köne bäyräm itelä ide. Xäzer Tatarstannıñ üzeneñ dä mmatbuğat köne bar. Ul - 19 may. Rusiä kiñleklärendä dä, jurnalistlarnıñ hönär bäyrämnäre yıl äylänäsendä ällä niçä tapqır ütkärelä. Läkin barıber, 5 may digändä, xäter, bu könne matbuğat belän bäyläp quya. Näq şuşı könne ber Tatarstan gäzitenä qağışlı şaw-şulı xäbär bilgele buldı. «Восточный экспресс» gäziteneñ baş möxärrire Räşit Ğällämov, 5 may irtäsendä gäzit xezmätkärlären aldında çığış yasap, eşennän kitüe turında iğlan itkän. Şuşı atnalıq gäzit xezmätkärläre añlatqança, gäzit xucalarınıñ häm baş möxärrirneñ matbuğatnıñ kiläçägenä qaraşları qapma qarşı däräcägä citkän bulğan. Qarşılıq, säyätkä qağılmıy, ä barı tik finans mäs’älälärgä kilep terälä. Şulay itep, «Восточный экспресс» atnalığın satıp alğan «Efir» xoldınğı citäkçese Andrey Grigoryev häm gäzitneñ baş möxärrire Räşit Ğällämov urtaq tel taba almıyça, ayırılışırğa bulğan. Älegä baş möxärrir wazifaların urınbasar Rinat Bilalov başqara. Berniçä yıl elek barlıqqa kilgän bu gäzit, Tatarstan uquçılarınıñ iğtibarın jurnalistlarnıñ sıyfatlı eşe, aktual temalar belän cälep itä aldı. Atnalıqnıñ xäzerge citäkleläre beldergänçä, uquçılar üzgäreşlärne ällä ni sizmäyäçäk. Gäzit şul kileş qalaçaq, şul isäptän «tatar ğasırı» digän säxifä dä saqlanaçaq. Xäbärçelär eşlären däwam itä, «Восточный экспресс» gäziteneñ kiläse sanı üz waqıtında çığarğa tieş. Tanılğan jurnalist Räşit Ğällämovnıñ kiläçäk yazmışı, äle bilgele tügel.

Bikä Timerova.

XS
SM
MD
LG