Bügen Azatlıq radiosınıñ Qazan byurosında qunaqta İsmail Törek oğlı. Ul üze Törkiädän monda eşkä kilgän. Qazan universitetınıñ şärekne öyränü kafedrasında törek tele häm tarix uqıta. İsmail äfände Qazanda dissertatsiä äzerläp, annarı xökümät çaqıruı buyınça universitetta uqıtuğa kereşep, tämam Tatarstan keşese bulıp kitte. Tatar tarixı, milli üseşe belän qızıqsına. İsmail Törek oğlınıñ ostazı, Törkiädä yäşäwçe kürenekle tatar ğalime Nadir Däwlätneñ tormış yulı häm zur fänni eşçänlege aña zur tä'sir yasağan. Qärdäş xalıqnıñ tarixı belän qızıqsınuçılar Törkiädä arta bara. Soñğı yıllarda ğına Nadir Däwlätneñ öç şäkerte tatar möhacirläre, tatar tarixı buyınça doktorlıq dissertatsiä yaqlağannar. İsmail äfände isä annan da aldaraq tatar ictimaği tarixı turında zur xezmät yazıp, fänni däräcä alğan ide. Yañaraq qına ul Tobol universitetında tatar tele buyınça dissertatsiä yaqlawda qatnaşqan. Berençe tapqır Seberdä tatar fäne buyınça dissertatsiä yaqlaw şurasınıñ eşendä qatnaşu aña bik zur tä'sir yasağan. Tuğan tel onıtıla, yäşlärneñ milli üz añı tarqala başlağan waqıtta Qazannan çittä ber töbäktä fänni xezmät yazılu zur waqiğa, dip sanıy İsmail äfände.
İsmail Törek oğlı Törkiädä üsep, belem alsa da, Ğalimcan İbrahimov, Zıya Qamalı, Qayum Nasıyri, Fatix Kärimli kebek kürenekle tatar ädipläreneñ äsärläre belän tanışqan, alarnıñ ictimaği eşçänlegen öyrängän. Azatlıq radiosınıñ ber tapşıruında Qazan universitetı studentlarınıñ milli añı turında söylägän idek. Xäteregezdä bulsa, studentlar üzläre utırğan öställärendä nigezdä rus telendä “Kilde, kitte” süzlär, gumanitar fännärdän bik yıraqta bulğan sügenü süzlären yazğannar ide. İsmail Törek oğlı häm anıñ kebek möğallimnär menä şundıy yäşlärdän zıyalı belgeçlär äzerlärgä tırışa. İsmail äfände belän söyläşkändä şundıy soraw tudı xäzerge milli yäşlär tarixnı bötenläy añlıylar mikän soñ, alarnıñ millätkä mönäsäbäte niçek ikän? İsmail äfände studentlarnıñ tatar telendä söyläşmäwenä, millät yazmışı belän qızıqsınmawına borçıluın belderde.
Qazan universitetınıñ şärekne öyränü kafedrası dotsentı, Törkiä möğallime İsmail Törek oğlı Tatarstanda şaqtıy yıllar yäşäp, tatar dönyasın öyrängännän soñ, üzen tatar milläteneñ häm qazanlılarnıñ ber öleşe itep sizä başlağan. Anı tatar milläteneñ törle qäwemnärgä bülenüe, Qazan uramındağı çoqır-çaqırlar, eçär sunıñ çista bulmawı bik borçıy. İsmail äfände meñ yıllığıbız yaqınlaşqanda, millätne häm Qazannı tärtiple, yämle itep kürergä teli. Ni qızğanıç, küp kenä millättäşlärebez studiäbezneñ qunaqlarınnan ayırmalı bularaq şuşı izge töşençälärgä bitaraflıq kürsätä. Studiädäge bügenge söyläşüdän menä şundıy tä'sir qaldı. Bu qaraş belän rizalaşmawçılar yäki anı quätläwçelär Qazan byurosına şaltırata alalar. Telefonıbız elekkeçä 36-81-02.
Qazannan Al'bina Zäynulla.
İsmail Törek oğlı Törkiädä üsep, belem alsa da, Ğalimcan İbrahimov, Zıya Qamalı, Qayum Nasıyri, Fatix Kärimli kebek kürenekle tatar ädipläreneñ äsärläre belän tanışqan, alarnıñ ictimaği eşçänlegen öyrängän. Azatlıq radiosınıñ ber tapşıruında Qazan universitetı studentlarınıñ milli añı turında söylägän idek. Xäteregezdä bulsa, studentlar üzläre utırğan öställärendä nigezdä rus telendä “Kilde, kitte” süzlär, gumanitar fännärdän bik yıraqta bulğan sügenü süzlären yazğannar ide. İsmail Törek oğlı häm anıñ kebek möğallimnär menä şundıy yäşlärdän zıyalı belgeçlär äzerlärgä tırışa. İsmail äfände belän söyläşkändä şundıy soraw tudı xäzerge milli yäşlär tarixnı bötenläy añlıylar mikän soñ, alarnıñ millätkä mönäsäbäte niçek ikän? İsmail äfände studentlarnıñ tatar telendä söyläşmäwenä, millät yazmışı belän qızıqsınmawına borçıluın belderde.
Qazan universitetınıñ şärekne öyränü kafedrası dotsentı, Törkiä möğallime İsmail Törek oğlı Tatarstanda şaqtıy yıllar yäşäp, tatar dönyasın öyrängännän soñ, üzen tatar milläteneñ häm qazanlılarnıñ ber öleşe itep sizä başlağan. Anı tatar milläteneñ törle qäwemnärgä bülenüe, Qazan uramındağı çoqır-çaqırlar, eçär sunıñ çista bulmawı bik borçıy. İsmail äfände meñ yıllığıbız yaqınlaşqanda, millätne häm Qazannı tärtiple, yämle itep kürergä teli. Ni qızğanıç, küp kenä millättäşlärebez studiäbezneñ qunaqlarınnan ayırmalı bularaq şuşı izge töşençälärgä bitaraflıq kürsätä. Studiädäge bügenge söyläşüdän menä şundıy tä'sir qaldı. Bu qaraş belän rizalaşmawçılar yäki anı quätläwçelär Qazan byurosına şaltırata alalar. Telefonıbız elekkeçä 36-81-02.
Qazannan Al'bina Zäynulla.
